فوتو: اتىراۋ وبلىسىنىڭ تج جونىندەگى جەدەل شتابى
اتىراۋ وبلىسىنىڭ تج جونىندەگى جەدەل شتابى تاراتقان دەرەككە سۇيەنسەك, تالدىكول اۋىلىن تاسقىننان قورعاۋ جۇمىستارى قارقىندى جالعاسىپ جاتىر. اۋدان ورتالىعىمەن قارىم-قاتىناس ۇزىلمەۋ ءۇشىن اۆتوكولىك جولدارىن تاسقىننان قورعاۋ بويىنشا ءتيىستى شارالار جۇرگىزىلىپ جاتىر. ال اۋىل اينالاسى 80 شاقىرىمدى قۇرايتىن بوگەتپەن قورشالدى. بوگەتتى نىعايتۋ ءۇشىن 800 مىڭنان استام قۇم تولتىرىلعان قاپ توسەلگەن.
«اۋدانىمىزدا 60 تان استام شارۋا-قوجالىق سۋ استىندا قالدى. قازىر شارۋالار تاراپىنان تاسقىننان زارداپ شەككەنى تۋرالى وتىنىشتەر كەلىپ جاتىر, ونى زاڭ اياسىندا ءتيىستى ماماندارمەن بىرگە قارايمىز. ءبىر قۋانارلىعى, اۋدان بويىنشا ەشقانداي تۇرعىن ءۇي سۋعا كەتكەن جوق», دەدى ماحامبەت اۋدانىنىڭ اكىمى قايرات نۇرلىباەۆ.
