• 25 ءساۋىر, 2015

قازاقستان حوككەيشىلەرىنىڭ تابىسى

280 رەت

كورسەتىلدى

1 مين

وقۋ ءۇشىن

Egemen Qazaqstan

كەزەكتەن تىس پرەزيدەنتتىك سايلاۋ قارساڭىندا حوككەيدەن قازاقستان قۇراما كومانداسى ەل جانكۇيەرلەرىنە ۇلكەن سىيلىق جاسادى. پولشانىڭ كراكوۆ قالاسىندا ءوتىپ جاتقان ءبىرىنشى ديۆيزيونداعى (ا توبى) الەم چەمپيوناتىندا قازاقستاندىق حوككەيشىلەر قاتارىنان ءتورت مارتە جەڭىسكە جەتىپ, مەرزىمىنەن بۇرىن كىلەڭ مىقتىلار شوعىرلانعان جوعارى ديۆيزيونعا جولداما الدى. قازاقستان قۇراماسى اۋەلى ۋكراينا قۇراماسىن 5:2, سودان كەيىن ۆەنگريا قۇراماسىن 5:0, كەلەسى كەزەكتە جاپونيا قۇراماسىن 7:2 جانە جەرگىلىكتى پولشا قۇراماسىن 3:2 ەسەبىمەن ۇتتى. ءسويتىپ, قارسىلاستار قاقپاسىنا 20 شايبا سوققان قازاقستاندىقتار ءوز قاقپاسىنا بار-جوعى 6-اق شايبا جىبەرىپ الدى. وسىلايشا, قازاقستان قۇراماسى يتاليامەن بۇگىن بولاتىن سوڭعى ويىن ءناتيجەسىنە قاراماي-اق الەمدىك بىرىنشىلىكتىڭ توپ-16-سى قاتارىنا قوسىلدى. داستان كەنجالين, «ەگەمەن قازاقستان».