فوتو: gov.kz
«اتىراۋ قالاسىندا جايىق وزەنىنىڭ شەكتى دەڭگەيى 500 سم بولسا, قازىرگى ۋاقىتتا ول 600 سم-گە جەتتى. الايدا وسى ۋاقىتقا دەيىنگى سۋ تاسقىنىنا قارسى جاسالعان جۇمىستاردىڭ ناتيجەسىندە بۇگىندە جايىقتىڭ كوتەرىلۋ دەڭگەيى بىرقالىپتى. ال سۋ باسۋ قاۋپى بار قايىرشاقتى, ەركىنقالا, المالى اۋىلدىق وكرۋگتەرىندە كۇنى-ءتۇنى كەزەكشىلىك ۇيىمداستىرىلدى», دەيدى اتىراۋ قالاسى اكىمىنىڭ ورىنباسارى نۇرجان ەرمۇحانوۆ.
ەسكە سالا كەتەيىك, سۋ تاسقىنىنا قارسى اتىراۋ قالاسى جانە قالا ماڭىنداعى اۋماقتاردى قوسقاندا 250,7 شاقىرىمدى قۇرايتىن جايىق وزەنىنىڭ جاعاسىنا بوگەت سالىندى.
