فوتو: aikyn.kz
22 ساۋىردە Epetition.kz پلاتفورماسىندا قازاقستاندا ءبىرتۇتاس ۋاقىت بەلدەۋىن جويۋ تۋرالى پەتيتسيا پايدا بولدى. قۇجات اۆتورلارى ەلەكتر ەنەرگياسىن كوپ تۇتىنۋدىڭ سالدارىنان قارجىلىق شىعىنداردىڭ ارتۋى مەن دەنساۋلىققا ايتارلىقتاي زيان كەلتىرىلۋىنە بايلانىستى بۇرىڭعى ۋاقىت بەلدەۋىنە قايتا ورالۋدى تالاپ ەتىپ وتىر.
«ومىرلىك ماڭىزدى ەلەكتر ەنەرگياسىن تۇتىنۋدىڭ ورتاشا ەسەپشوتى 2024 جىلعى 1 ساۋىردەگى ەسەپ بويىنشا شامامەن 17 000 تەڭگەنى قۇرادى. بولاشاققا بولجام جاسايتىن بولساق, ۋاقىتتىڭ وزگەرۋى بۇل شىعىنداردى ايتارلىقتاي ارتتىرادى, اسىرەسە كۇزگى-قىسقى كەزەڭدە ىڭعايسىز», دەلىنگەن تۇسىنىكتەمەدە.
ساۋدا جانە ينتەگراتسيا مينيسترلىگى زاڭ بويىنشا تالاپ ەتىلەتىن 50 مىڭ داۋىس جيناعان جاعدايدا پەتيتسيانى قاراۋعا ۋادە بەردى. پەتيتسيا جاريالانعان كۇننەن باستاپ, دالىرەك ايتقاندا 36 كۇن ىشىندە قۇجاتقا 37 مىڭ ادام قول قويىپ ۇلگەرگەن.
ەستەرىڭىزگە سالا كەتەيىك, قازاقستان 2024 جىلدىڭ 1 ناۋرىزىنان باستاپ بىرىڭعاي ۋاقىت بەلدەۋىنە كوشتى. بۇعان ساۋدا جانە ينتەگراتسيا مينيسترلىگى باستاماشى بولدى. شەنەۋنىكتەر بۇل شەشىمدى جۇمىستى سينحرونداۋمەن, بۇكىل ەل بويىنشا بىركەلكى بانكتىك ساعاتتارمەن جانە ەل تۇرعىندارىنىڭ بيوريتمدەرىن جاقسارتۋمەن نەگىزدەدى. الايدا, ءبىرتۇتاس ۋاقىت ەنگىزىلگەننەن كەيىن كوپ ۇزاماي الەۋمەتتىك جەلىدە حالىق, اسىرەسە ەلىمىزدىڭ شىعىس وڭىرلەرىنىڭ, الماتى تۇرعىندارى جاپپاي شاعىمدانا باستادى.
التىناي ابدىش,
ەۇۋ ستۋدەنتى
