فوتو: كوللاج El.kz
قانات بوزىمباەۆ بۇگىندە كەلتىرىلگەن شىعىننىڭ ورنىن تولتىرۋ الگوريتمىنە سايكەس وڭىرلەردە جوسپارلى ءىس-شارالاردىڭ جۇرگىزىلىپ جاتقانىن اتاپ ءوتتى.
«وسى جىلدىڭ 28 مامىرىنداعى جاعداي بويىنشا رەسپۋبليكا بويىنشا 30 538 وتباسى 100 اەك (2024 جىلى 369 200 تەڭگە) كولەمىندە بىرجولعى جاردەماقى الدى. جۇمىس باقىلاۋعا الىنىپ, قاجەتتى شارالار قابىلدانۋدا. نەگىزگى ماسەلە تۇرعىن ءۇيدى قالپىنا كەلتىرۋمەن بايلانىستى, سوندىقتان وبلىس اكىمدەرى بۇل ماسەلەنى ەرەكشە باقىلاۋعا الىپ, تۇرعىندارمەن كۇندەلىكتى جۇمىس جۇرگىزىپ, تۋىنداعان ءاربىر ماسەلە بويىنشا تۇسىندىرمە جۇمىستارىن جۇرگىزۋى قاجەت», دەدى ول.
قازىرگى تاڭدا ەلىمىزدە قارعىن سۋدىڭ سالدارىنان شامامەن 12 155 ءۇي, سونداي-اق 18 320-دان استام ساياجاي زارداپ شەكتى, ونىڭ ىشىندە 5 353 عيمارات زارداپ شەككەندەردىڭ جالعىز باسپاناسى ەكەنى بەلگىلى بولدى.
قىرمىزى جۇماعاليقىزى,
ەۇۋ ستۋدەنتى
