قاتارداعى قاھارمان

تاياۋدا بايلانىس جانە اقپارات مينيسترلىگى اقپارات جانە مۇراعات كوميتەتىنىڭ مۇرىندىق بو­لۋى­مەن ۇلتتىق مۇراعات زالىندا مايدانگەر كاري ءابيتوۆتىڭ ء“ومىر ورنەگى” اتتى كىتابىنىڭ تۇ­ساۋ­كەسەر ءراسىمى مەن قۇجاتتىق كورمەسى بولىپ ءوتتى. بۇل اعا ۇرپاق وكىلىنىڭ ەڭبەگى ەرەكشە ەكەن. ماي­­داندا قۇپيا تاپسىرمالاردى ورىنداعان بارلاۋشى بولىپتى. 1942-1943 جىلدارعى ستالينگراد پەن كۋرسك-ورلوۆ ءتۇبىن­دەگى شايقاستاردا جاۋ تىلىندا ءجۇرىپ, باعالى ءمالى­مەتتەردى قولعا تۇسىرگەن. 1944-1945 جىل­دارى ۆەنگريا, يۋگوسلاۆيا, چەحوسلوۆاكيا, اۆستريادا بولىپ, قۇپيا وپەراتسيالارعا قاتىسقان. ءسويتىپ ۇلى وتان سوعىسى جىلدارىنداعى ءومىرى قاۋىپ پەن قاتەرگە تولى بولعان. كورمەگە وتستاۆكاداعى پولكوۆنيك كاري ءابيتوۆتىڭ 100-گە جۋىق قۇجاتتارى مەن ماتەريالدارى ىرىكتەلىنىپ الىنىپ قويىلعان. ونىڭ باسىم بولىگىن اعامىزدىڭ ۇلى وتان سوعىسىندا كورسەتكەن ەرلىگى مەن قاۋىپسىزدىك ورگاندارىندا اتقارعان قىزمەتتەرى ءۇشىن العان وردەن­دەرىنىڭ كۋالىكتەرى, فوتوقۇجاتتار مەن حاتتار قۇرايدى. جازۋشى ءابىش كەكىلباەۆتىڭ ەڭبەكتەرىنىڭ بىرىندە: “ەڭ بەرىك ات, ەڭ بيىك ات, ەڭ باياندى ات – ازامات” – دەگەن ءسوز بار. وسى انىقتاما مايدانگەر كاري ابيتوۆكە قاراتىپ ايتىلعانداي. ويتكەنى, وعان اعامىزدىڭ ء“ومىر ورنەگى” كىتابى كۋا. مۇندا ازاماتتىققا ءتان بارلىق ەرەكشە­لىكتەر, دۇنيەنىڭ ءتاتتىسى مەن اششىسى, بەيبىت ءومىردىڭ قۇنى وتە جاقسى ايتىلىپ, اسەرلى باياندالعان. جينالعان قاۋىمنىڭ ىستىق قوشەمەتى مەن ءىلتي­پاتىنا بولەنگەن كاري ءابيتوۆ كورمە سوڭىندا: “اشىق اسپان مەن بەيبىتشىلىكتى كورۋ – مەن ءۇشىن ەڭ ۇلكەن باقىت”, دەدى تەبىرەنىپ. مايدانگەردىڭ وسى سوزىندە كوپ ءمان جاتقانى انىق. اراي ۇيرەنىشبەكقىزى. استانا.