فوتو:zakon.kz
ولار ۆيدەونى الەۋمەتتىك جەلىلەردە تاراتتى.
«جۇزدەگەن مىڭ قازاقستان ازاماتى ونەركاسىپتە, ءىرى, ورتا جانە شاعىن كاسىپورىنداردا ەڭبەك ەتىپ ءجۇر. ءبىزدى ءبىر نارسە بىرىكتىرەدى – وزىمىزدىكىن ءوندىرۋ, دامىعان ياعني, زاۋىتتار, كوپىرلەر, بوگەتتەر مەن جەو سالا الاتىن ماماندار تاپشىلىعى جوق ەلدە ومىر سۇرۋگە دەگەن تالپىنىس. كۇشتى ونەركاسىپ بولماسا, بۇل بولمايدى! ارقايسىمىزدىڭ ارتىمىزدا وتباسىمىز, بالالارىمىز بار. بۇل وتاندىق ءوندىرىس پەن ماشينا جاساۋدىڭ قالاي داميتىنىنا بۇگىندە جۇزدەگەن مىڭ ادام تاۋەلدى ەكەنىن بىلدىرەدى», دەلىنگەن حابارلامادا.
«سەماز» قىزمەتكەرلەرى كادەگە جاراتۋ اقىسىن الىپ تاستاۋدى بۇكىل حالىق ەمەس, تەك جەكە مۇددەلى ازاماتتار تالاپ ەتىپ وتىر دەپ پايىمدايدى.
«قايتا وڭدەۋ اقىسىن تۇتاس حالىققا ەمەس, بەلگىلى ءبىر ادام توبىنا مىندەتتەۋ كەرەك. بۇل تالاپتاردىڭ اۆتورلارى ونىڭ ورنىنا ەشتەڭە ۇسىنبايدى, ولار تەك ادامداردى اداستىرادى. ونىڭ ۇستىنە ولار ءبىزدى جۇمىستان عانا ەمەس, ءوندىرىس قىزمەتكەرلەرىمەن بىرگە ءوسىپ-وركەندەۋ مۇمكىندىگىنەن ايىرادى. ءبىزدى, ءوندىرىس قىزمەتكەرلەرىن قايتادان تاكسي جۇرگىزۋشىسى, بازاردا ساتۋشى بولۋعا, ءتىپتى باسقا ەلگە اۋىسۋعا يتەرمەلەپ جاتىر», دەيدى حالىق.
سونداي-اق «سەماز» قىزمەتكەرلەرى ماشينا جاساۋدى قولداۋ شارالارىنىڭ كۇشىن جويۋعا قارسى شىقتى.
«سوڭعى جىلدارى ءبىزدىڭ ءوڭىردىڭ جاستارى ينجەنەردىڭ جوعارى ءبىلىمى بولۋى ءوزىن جانە وتباسىلارىن اسىراي الادى دەپ سەندى. ەندى بۇل ءبىلىم قايتادان ەشكىمگە پايداسىز بولۋى مۇمكىن! بىزدىڭ ماقساتىمىز-تۇراقتىلىق پەن بولاشاققا دەگەن سەنىمدىلىك. سوندىقتان ءبىز قازاقستان ۇكىمەتىنە وتاندىق كاسىپورىنداردىڭ ءوسۋى ءۇشىن قولايلى جاعدايلار جاساۋدى جالعاستىرۋدى سۇرايمىز. بوس ۇراندارعا ەمەس, قازاقستاننىڭ بولاشاعى ءۇشىن ناقتى ءىس-ارەكەتتەرگە نازار اۋدارۋ كەرەك», دەپ تۇيىندەدى وندىرۋشىلەر.
قىرمىزى جۇماعاليقىزى,
ەۇۋ ستۋدەنتى
