فوتو: malim.kz
وبلىس پروكۋراتۋراسى ءباسپاسوز قىزمەتىنىڭ حابارلاۋىنشا, تەكسەرۋ ناتيجەسىندە ورتالىق قىزمەتىندە 31 ميلليون تەڭگەدەن استام قارجى ۇرلانعانى انىقتالدى. «قوعامدىق جۇمىستار» باعدارلاماسىنا قاتىسپاعان 122 ادام ەڭبەكاقى العان.
بۇل رەتتە «جاستار تاجىريبەسى» جانە «اقىلى قوعامدىق جۇمىستار» مەملەكەتتىك باعدارلامالارىنىڭ 4 مىڭنان استام قاتىسۋشىسى 2023 جىلعا ارنالعان مىندەتتى مەديتسينالىق ساقتاندىرۋ تولەمدەرىن الماعان. بارلىعى – 11,6 ملن تەڭگە.
ماتەريالدار سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەلىپ, تەرگەۋ ءۇشىن تۇركىستان وبلىسى بويىنشا ەكونوميكالىق تەرگەۋ دەپارتامەنتىنە جىبەرىلدى.
سونىمەن قاتار پروكۋراتۋرا 4 ملرد تەڭگەنى قۇرايتىن قارجىلىق بۇزۋشىلىقتاردى جانە كەلىسىم-شارتتاردا نەگىزسىز تالاپتار قويىلعان 760 كاسىپكەردىڭ قۇقىعىن شەكتەۋ فاكتىلەرىن انىقتادى.
