جۇمىس كەزىندە 24 جاستاعى بالىقشى مارلين ۋەيكمان ايلاققا بەكىتىلگەن كەمەگە سەكىرەمىن دەپ تايىپ ءتۇسىپ, جىرتقىشتار ورداسىنا قۇلايدى. كەمە تۇرعان ايلاققا بالىقشىلار كوپ مولشەردە بالىق لاقتىرىپ, اكۋلانىڭ نازارىن اۋدارعان. بۇل ارەكەتتەرى ءساتتى اياقتالعان. دەسە دە اكۋلالار بالىقشى جىگىتتىڭ اياعى مەن يىعىنان تىستەپ ۇلگەرگەن. وعان جەدەل تۇردە وتا جاساۋ ءۇشىن سەنت-مەري مەديتسينالىق ورتالىعىنا جەتكىزىلگەن. رەۆماتولوگ-حيرۋرگ روبەرت بوررەگو زاقىمنىڭ ارتەرياعا جەتپەگەنىن ايتقان. ۋەيكماننىڭ جاراقات مولشەرىنە قاراعاندا, اكۋلانىڭ ۇزىندىعى ەكى مەتردەن اسادى. «قۇداي ساقتادى» دەگەن وسى...
تابيعي ءيىسسۋ
تابيعاتتىڭ ءوز ءيىسسۋى بار. ول – كەپپەل اعاشى. بۇل اعاشتىڭ جەمىسىن جەگەن ادامنىڭ ءون بويىنان قانشاما كۇن بويى حوش ءيىس اڭقىپ جۇرەدى.
ەرەكشە اعاشتىڭ وتانى – ياۆا ارالى. ونىڭ جەمىستەرى بۇتاقتا ەمەس, تىكەلەي ماگيسترالدا وسەدى. قاتتى قابىقتاعى قاراپايىم جەمىستەرگە ۇقسايدى. پىسكەنىن تەك كەسۋ ارقىلى تەكسەرەدى. ەگەر ول جەۋگە دايىن بولسا, وندا قوڭىر نەمەسە قىزعىلت سارى تۇسكە بويالادى. ءدامى – ءتىل ۇيىرەرلىك. ال ادام وسى جەمىستىڭ ءدامىن تاتسا, وندا تەرىسىنەن ءبىراز ۋاقىتقا دەيىن گۇلدىڭ ءيىسى شىعادى. پارفيۋمەرلىك قاسيەتىنەن بولەك, كەپپەل جەمىستەرى قۇندى فارماكولوگيالىق سيپاتقا دا يە. وسىمدىكتىڭ جاپىراقتارىندا كوپتەگەن تانين مەن ەفير مايى بار. ونى حولەستەريندى تومەندەتۋگە, ميكروبقا قارسى پايدالانۋعا بولادى.
ەكو-كينوتەاتر
كۇن ەنەرگياسىمەن جۇمىس ىستەيتىن الەمدەگى ەڭ كىشكەنتاي كينوتەاتردى 1960 جىلى سۋرەتشى پيتەر و’كونەل جاساعان.
«Sol Cinema» اتاۋىنا يە بولعان كينوتەاتر ەكولوگيانى جاقسارتۋ, قورشاعان ورتانى قورعاۋ ماقساتىندا ويلاپ تابىلعان. اۆتور بۇل تۋىندىسى ارقىلى تابيعاتتى قورعاۋ, تازالىعى ءۇشىن بارلىق ءوندىرىس ورنىنىڭ ەكولوگيالىق ەنەرگياعا كوشۋ كەرەكتىگىن ايتقىسى كەلگەن. الەمدەگى ەڭ كىشكەنتاي ەكو-كينوتەاتر گيننەستىڭ رەكوردتار كىتابىنا دا ەنگەن. كينوتەاتر 8 ادامعا ارنالعان. مۇندا كوبىنە قورشاعان ورتا تۋرالى دەرەكتى فيلمدەر كورسەتىلەدى. كينوتەاتر ليتي-يوندى باتارەيالار ارقىلى جۇمىس ىستەيدى.
