احقو سوتى مەن حتو قىزمەتىن 2018 جىلى 1 قاڭتاردان باستاپ اتقارىپ كەلەدى. وسى التى جىلدىڭ ىشىندە ينۆەستيتسيالارعا بايلانىستى 2 600-دەن اسا ءىستىڭ جانە داۋ تاراپتارىنىڭ 100% قاناعاتتاندىرىلۋىنا سەبەپكەر بولدى. قازاقستاندا بيزنەس جۇرگىزەتىن 28 ەلدىڭ ينۆەستورلارى وزدەرىنىڭ ينۆەستيتسيالىق داۋلارىن احقو سوتى مەن حتو-دا شەشۋ ءۇشىن 10 000-نان اسا ىسكەرلىك كەلىسىمشارتقا احقو سوتى مەن حتو-نىڭ ۇلگىلىك ەسكەرتپەلەرىن قوسقان. بۇل شارتتاردىڭ ەداۋىر بولىگى قىتايدان قازاقستانعا ينۆەستيتسيالار تارتۋعا باعىتتالعان.
احقو سوتى – تاۋەلسىز زاڭدى تۇلعا. ەكى دەڭگەيدەن – ينستانتسيا سوتى جانە اپەللياتسيالىق سوتتان تۇرادى. ءوز قىزمەتى مەن وپەراتسيالارىنا بايلانىستى تۋىندايتىن داۋلارعا قاتىستى ايرىقشا يۋريسديكتسياعا يە. مۇندا ءىس جۇرگىزۋدىڭ ەڭ زاماناۋي جانە ءتيىمدى ادىستەرى قولدانىلادى. حتو قۇرامىندا مۇناي-گاز, ساۋدا, قۇرىلىس, ەنەرگەتيكا, قارجىلىق قىزمەت كورسەتۋ, بانك ءىسى, يسلام قارجىسى, ساقتاندىرۋ جانە زياتكەرلىك مەنشىك سالالارىن قوسا, كوممەرتسيالىق قۇقىقتا تورەلىك ەتۋ مەن مەدياتسيا بويىنشا جەتەكشى حالىقارالىق تورەشىلەر بار.
بەيجىڭدەگى بەدەلدى China World Tower عيماراتىندا ورنالاسقان احقو سوتى مەن حتو-نىڭ جاڭا كەڭسەسىنىڭ وتىرىس زالدارى زاماناۋي تسيفرلىق تەحنولوگيالارمەن جابدىقتالعان. مۇنداعى ماقسات – قازاقستانداعى قىتاي ينۆەستورلارى ءۇشىن ولاردىڭ احقو سوتى مەن حتو-عا بەرىلگەن داۋلاردى ءوز ەلىندە جايلى جاعدايدا شەشۋ مۇمكىندىگىن بەرۋ.
احقو سوتى مەن حتو تىركەۋشىسى جانە اپپارات باسشىسى كريستوفەر كەمپبەلل-حولت مىرزا بەيجىڭ قالاسىنا وتكەن, 110-نان اسا ەلدەن 20 000-نان استام بيزنەس وكىلى جينالعان شەتەلدەگى بيزنەستى دامىتۋ جونىندەگى قىتاي قاۋىمداستىعىنىڭ (China Overseas Development Association, سODA) حالىقارالىق كونفەرەنتسياسىنا قاتىستى. اتالعان ءىس-شارا اياسىندا كەمپبەلل-حولت مىرزا داۋلاردى شەشۋ جونىندەگى سەرىكتەستەر, اعا زاڭگەرلەرمەن جانە قازاقستاندا بيزنەس جۇرگىزەتىن نەمەسە جۇرگىزۋدى جوسپارلاعان كاسىپكەرلەرمەن كەزدەسۋلەر وتكىزدى. قازاقستانداعى قىتاي ينۆەستورلارى ءۇشىن كوممەرتسيالىق داۋلاردى شەشۋدەگى ەۋرازياداعى وزىق ينستيتۋتتارى رەتىندە احقو سوتى مەن حتو-نىڭ ۇستانىمىن ودان ءارى نىعايتۋ ماقساتىندا CODA-مەن ىنتىماقتاستىق تۋرالى كەلىسىمگە قول جەتكىزىلدى.
ء«بىز قىتايلىق كومپانيالاردىڭ قازاقستانعا ينۆەستيتسيالارى كولەمىنىڭ ءوسۋىن قولداۋ ءۇشىن جۇرگىزىلىپ جاتقان ماڭىزدى جۇمىستارعا قوسىمشا, قىتاي استاناسىنىڭ تورىندە حالىقارالىق ستاندارتتارعا ساي احقو سوتى جانە حتو كەڭسەسىنىڭ اشىلعانى تۋرالى حابارلاۋعا قۋانىشتىمىز. قىتاي ينۆەستورلارى بىرقاتار ىستە وزدەرىنىڭ زاڭدى قۇقىقتارىن قورعاۋ ءۇشىن احقو سوتى مەن حتو قىزمەتتەرىنە جۇگىنگەن دە بولاتىن. بەيجىڭدەگى ءبىزدىڭ سوڭعى باستامامىز بۇل ينۆەستورلار مەن قىتايدان كەلەتىن بولاشاق ينۆەستورلارعا ولاردىڭ احقو سوتى مەن حتو ارقىلى داۋلاردى ءوز ەلىندە دە تاۋەلسىز, ۋاقتىلى جانە ەكونوميكالىق ءتيىمدى شەشۋ مۇمكىندىگىنە قول جەتكىزۋىنە مۇمكىندىك بەرەدى», دەيدى كريستوفەر كەمپبەلل-حولت.
احقو سوتى مەن حتو-نىڭ قازاقستاندا استانا جانە الماتى قالالارىندا, سونداي-اق قازاقستاندا بيزنەس جۇرگىزەتىن ينۆەستورلاردىڭ قاجەتتىلىكتەرىن قاناعاتتاندىرۋ ءۇشىن ەۋرازيانىڭ سەگىز ەلى – ازەربايجان, ارمەنيا, گرۋزيا, قىرعىزستان, تاجىكستان, تۇركيا, تۇرىكمەنستان جانە وزبەكستاندا تسيفرلىق تەحنولوگيالارمەن جابدىقتالعان حالىقارالىق ستاندارتتى كەڭسەلەرى بار. جاھاندىق ينۆەستورلار ەۋرازياداعى كوممەرتسيالىق داۋلاردى شەشۋدە احقو سوتى مەن حتو-عا ارتىقشىلىق بەرەدى. سونداي-اق اتالعان ينستيتۋتتار – ولاردىڭ قازاقستانعا ينۆەستيتسيالاۋ تۋرالى شەشىم قابىلداۋىندا شەشۋشى فاكتور.
