كۋرورتتىق ايماقتارعا قاتىنايتىن رەيستەر مەن پويىزداردىڭ سانى ارتادى

استانا مەن الماتىدان اپتاسىنا 36 رەيس جيىلىگىمەن بالقاش جانە الاكول كولدەرىنە اۋە رەيستەرى ورىندالادى. ونىڭ ىشىندە ۇشاقتار 33 جيىلىكپەن الاكولگە, 3 جيىلىكپەن بالقاشقا دەيىن ۇشادى. اۋە رەيستەرى «يۋجنوە نەبو» اۋە كومپانياسىمەن ورىندالادى.

الماتى قالاسىنان:

• ۇرجارعا دەيىن (سۋبسيديالاناتىن رەيس): اپتاسىنا 7 رەت «يۋجنوە نەبو» اۋە كومپانياسىمەن ورىندالادى. سونداي-اق بيىل 1 شىلدەدەن باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى, بەيسەنبى, جۇما جانە جەكسەنبى كۇندەرى) كوممەرتسيالىق رەيستەردى ىسكە قوسادى;
• ۇشارالعا دەيىن (سۋبسيديالاناتىن رەيس): اپتاسىنا 10 رەت «يۋجنوە نەبو» اۋە كومپانياسى ورىندايدى. سونىمەن بىرگە 16 ماۋسىمنان باستاپ Qazaq Air اۋە كومپانياسى اپتاسىنا 4 رەيس جيىلىگىمەن (سەيسەنبى, بەيسەنبى, جۇما جانە جەكسەنبى كۇندەرى) كوممەرتسيالىق رەيستەردى ىسكە قوسپاق;
• بالقاشقا دەيىنگى كوممەرتسيالىق رەيستەردى «يۋجنوە نەبو» اۋەكومپانياسى ورىندايدى, اپتاسىنا 3 رەيس (سارسەنبى, جۇما, جەكسەنبى).

استانا قالاسىنان:

• ۇرجارعا 1 ماۋسىمنان باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى, بەيسەنبى, جۇما جانە جەكسەنبى كۇندەرى) كوممەرتسيالىق رەيستەردى ىسكە قوسادى;
• ۇشارالعا بيىل 16 ماۋسىمنان باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى, بەيسەنبى, جۇما جانە جەكسەنبى كۇندەرى) كوممەرتسيالىق رەيستەردى ىسكە قوسۋدى جوسپارلاپ وتىر.

سونداي-اق الاكول كولىنىڭ باعىتىندا قوسىمشا 3 تالگو پويىزى مەن 3 ستاندارتتى پويىز جۇرە باستايدى:

1.​№254/253 «استانا-دوستىق» (تالگو);

2.​№211/212 «الماتى-دوستىق» (تالگو);

3.№207/208 «الماتى-دوستىق» (تالگو);

4. ​№221/222 «الماتى-دوستىق» (ستاندارتتى);

5. №457/458 «سەمەي-دوستىق» (ستاندارتتى);

6. №459/460 «وسكەمەن-دوستىق» (ستاندارتتى);

7.​№21/6942/6941/22 «الماتى-دوستىق» (تىركەمە ۆاگون);

8.​№21/6942/6941/22 «قىزىلوردا-دوستىق» (تىركەمە ۆاگون);

بۇگىندە اتالعان باعىتتاردا ءۇش پويىز جولاۋشىلاردى تاسىمالدايدى: №337/338 «الماتى-دوستىق», №6941/6942 «اقتوعاي-دوستىق», №53/54 «استانا-دوستىق» جانە «استانا-دوستىق» باعىتىنداعى ۆاگوندار (№121/122 «استانا-سەمەي» پويىزىنىڭ قۇرامىندا, 3 كۋپە ۆاگون).

سونىمەن قاتار سۇرانىسقا يە №201/202 استانا-الماتى; №203/204 استانا-شىمكەنت; №257/258 ورال-استانا باعىتتار بويىنشا كوممەرتسيالىق پويىزداردى ىسكە قوسۋ جوسپارلانىپ وتىر.

«قازىرگى تاڭدا قولدانىستاعى باعىتتار بويىنشا جىلجىمالى قۇرامدى جازعى كەزەڭگە دايىنداۋ جۇمىستارى جۇرگىزىلىپ جاتىر. ماسەلەن, جەلدەتۋ جانە اۋانى باپتاۋ جۇيەلەرىن قايتا جاڭعىرتۋ, اۋا سۇزگىلەرىن اۋىستىرۋ, سۋمەن جابدىقتاۋ جۇيەسىن جۋ جانە دەزينفەكتسيالاۋ, ۆاگونداردىڭ ەلەكتر جابدىقتارىن تەكسەرۋ بويىنشا ءىس-شارالار قولعا الىندى. سونداي-اق تامبۋرلاردى, جىلىتۋ جۇيەلەرىنىڭ قۇبىرلارىن جانە باسقا دا بولشەكتەردى سىرلاۋ ءارى ۆاگون شاناقتارىن جۋ جۇمىستارى جۇرگىزىلىپ جاتىر», دەلىنگەن حابارلامادا.

قىرمىزى جۇماعاليقىزى,

ەۇۋ ستۋدەنتى