فوتو: freepik.com
ەسكە سالايىق, قاۋىپسىزدىكتى كۇشەيتۋ ماقساتىندا قر پرەزيدەنتى قاسىم-جومارت توقاەۆ ەلىمىزدىڭ بارلىق كولونيالارىن كامەرامەن جابدىقتاۋدى تاپسىرعان ەدى. بۇگىندە اناليتيكالىق جانە باقىلاۋ فۋنكتسيالارى بار 39 مىڭنان استام بەينەكامەرا ورناتىلدى.
«بەينەكامەرالاردا اناليتيكا جانە باقىلاۋ فۋنكتسيالارى قاراستىرىلعان. سونداي-اق تىيىم سالىنعان ايماققا كىرگەن نەمەسە وبەكتيۆى جابىلعان كەزدە دابىل جىبەرەتىن مۇمكىندىگى بار. ونداعى بەينە قىلمىستىق-اتقارۋ جۇيەسى كوميتەتىنىڭ احۋالدىق ورتالىعىنا, سونداي-اق, پروكۋراتۋرا ورگاندارىنا شىعارىلعان. بۇل جاعدايدى ناقتى ۋاقىت رەجيمىندە تۇراقتى تۇردە باقىلاۋعا مۇمكىندىك بەرەدى. سونداي-اق تىيىم سالىنعان ايماقتارعا كىرۋ جانە وبەكتيۆتەردى بلوكتاۋعا ارنالعان دابىل بار. بۇل شارالار وڭ ناتيجە بەردى. بۇل جۇيە ەنگىزىلگەننەن بەرى سوتتالعانداردىڭ قاماۋدا ۇستاۋ رەجيمىن بۇزۋدىڭ 24 مىڭعا جۋىق فاكتىسى انىقتالدى. 43 سۋيتسيد پەن 4 قاشۋ ارەكەتىنىڭ الدى الىندى», دەدى شىڭعىس الەكەشەۆ.
ول بۇگىندە ەلىمىزدە 78 مەكەمە جۇمىس ىستەپ جاتقانىن, ونىڭ 62-ءسى باس بوستاندىعىنان ايىرۋ تۇرىندەگى جازالاردى ورىنداۋ جانە 16 تەرگەۋ يزولياتورى بار ەكەنىن ايتتى. ولاردا 37 مىڭ ادام وتىر, ونىڭ 32 مىڭى سوتتالعان, 5 مىڭى تەرگەۋ كەزىندە قاماۋعا الىنعاندار.
سونداي-اق بەينەكامەرانىڭ ارقاسىندا تىيىم سالىنعان زاتتاردى جەتكىزبەك بولعان 151 ادام ۇستالدى. ولار 267 تەلەفون, 33 ليتر الكوگول جانە 2 كەلىگە جۋىق ەسىرتكىنى كىرگەزبەك بولعانى انىقتالدى.
قىرمىزى جۇماعاليقىزى,
ەۇۋ ستۋدەنتى
