فوتو: alau.kz
«الماتى-قوستاناي» پويىزى بۇگىن تاڭەرتەڭ ساعات 10:30-دا سوڭعى نۇكتەسىنە جەتتى. پەرروندا توتەنشە جاعدايلار قىزمەتى, جەدەل جاردەم قىزمەتكەرلەرى, پوليتسيا قىزمەتكەرلەرى جانە جۇقپالى اۋرۋلار ماماندارى كۇتىپ تۇردى.
«مۇنداي وقۋ-جاتتىعۋلاردىڭ ماقساتى – بارلىق تەمىرجول قىزمەتتەرىنىڭ فۋنكتسيونالدىق مىندەتتەرىن, اتاپ ايتقاندا, حابارلامالاردى تاراتۋشى ديسپەتچەرلىك قىزمەتتەردىڭ جانە توتەنشە جاعدايلار كەزىندە ازاماتتىق قورعانىس شتابتارىنىڭ فۋنكتسيونالدىق مىندەتتەرىن ورىنداۋ. سونداي-اق وبلىس پەن قالانىڭ مەديتسينالىق ۇيىمدارىمەن جانە باسقا دا ۇيىمدارىمەن ءوزارا بايلانىستا بولۋ كەرەك», دەيدى قوستاناي قالالىق كولىكتەگى ۆەدومستۆولىق سانيتارلىق-ەپيدەميولوگيالىق باقىلاۋ باسقارماسىنىڭ باس مامانى جىبەك يۋسۋپوۆا.
دارىگەرلەر مەن جولسەرىكتەر 1986 جىلى تۋعان ناۋقاستىڭ ءبىر كۇن بۇرىن جامبىل وبلىسى سارىسۋ اۋدانىنداعى تۋىستارىنا بارعانىن انىقتادى. دارىگەرلەر قاۋىپتى اۋرۋدى جۇقتىرعان ادامدى دا, ونىمەن بايلانىستا بولعان جولداستارىن دا تەكسەردى. نۇسقاۋلارعا سايكەس جولسەرىك اۋرۋ جۇقتىرعان جولاۋشىنى مۇمكىندىگىنشە باسقالاردان وقشاۋلاۋى كەرەك.
ء«بىزدىڭ مىندەتتەرىمىزگە الدىمەن وسى ۆاگوندى قورشاۋ, ينفەكتسيانىڭ ودان ءارى ورشۋىنە جول بەرمەۋ ءۇشىن باسقا جولاۋشىلاردىڭ كىرۋىنە جول بەرمەۋ كىرەدى. بۇل جاعدايدا ءبىز ۆاگونداردى جاۋىپ تاستايمىز, ياعني تەمىرجول كولىگىندەگى جولاۋشىلاردىڭ قاۋىپسىزدىگى تولىق قامتاماسىز ەتىلگەن», دەدى قوستاناي ستانساسى اكىمشىلىك پوليتسيا باسقارماسىنىڭ باستىعىنىڭ مىندەتىن اتقارۋشى اسەت جاقىپوۆ.
ەرەجەگە سايكەس, ينفەكتسيا جۇقتىرعان اداممەن بايلانىستا بولعان بارلىق جولاۋشىلار مەديتسينالىق مەكەمەدە ەگجەي-تەگجەيلى تەكسەرىلۋگە ءتيىس. بارلىق ادامدار ۆاگوننان شىققان سوڭ ارنايى توپ زالالسىزداندىرۋ جۇمىستارىن جۇرگىزەدى. توسەك-ورىن تولىعىمەن الىنىپ, مۇقيات وڭدەلەدى. ماماندار قازاقستاندا وبا اۋرۋى سوڭعى رەت 2003 جىلى تىركەلگەنىن ايتادى. ال بيىل ەلىمىزدە تىرىسقاق اۋرۋىنىڭ ءۇش جاعدايى انىقتالدى, ولاردىڭ بارلىعى باسقا ەلدەردەن اكەلىنگەن. ال قوستاناي وبلىسىنا كەلەتىن بولساق, سوڭعى بەس جىلدا اسا قاۋىپتى جۇقپالى اۋرۋلاردىڭ وشاعى تىركەلگەن جوق. بىراق قىزمەتتەر ءبارىبىر كەز كەلگەن نارسەگە دايىن بولۋ ءۇشىن جاتتىعۋلار جاسايدى.
