فوتو: senate.parlam.kz
پارلامەنتشىنىڭ ايتۋىنشا, بيىل قازاقستان ارحەولوگياسىنىڭ نەگىزىن قالاۋشى, مەملەكەتتىك سىيلىقتىڭ لاۋرەاتى, ەڭبەك سىڭىرگەن عىلىم قايراتكەرى كەمەل اقىشەۆتىڭ 100 جىلدىق مەرەيتويى اتاپ وتىلەدى. ول قازاقستان تاۋەلسىزدىگىنىڭ سيمۆولىنا اينالعان «التىن ادامدى» تاپقان. كەمەل اقىشەۆ ۇزاق جىلدار بويى ورتالىق قازاقستانداعى ارحەولوگيالىق نىساندارعا زەرتتەۋ جۇرگىزدى. 1940 جىلدارى ول بەعازى جانە سانگرۋ سەكىلدى قولا داۋىرىندەگى قورىمداردى زەرتتەۋگە قاتىستى.
«كەمەل اقىشەۆ – جەتىسۋ, سولتۇستىك جانە وڭتۇستىك قازاقستان ارحەولوگيالىق ەكسپەديتسيالارىنىڭ باس جەتەكشىسى بولىپ, كونە جانە ورتا عاسىرلارداعى ەسكەرتكىشتەردى, بەسشاتىر, وتىرار جادىگەرلەرىن اشىپ, زەرتتەدى. 600-دەن استام ارحەولوگيالىق ەسكەرتكىشتى تاۋىپ, «قازاقستاننىڭ ارحەولوگيالىق كارتاسىن» جاساپ شىقتى. اتالاعان كارتا قازىرگى كەزدە دە وتە وزەكتى, سۇرانىسقا يە, بىرەگەي انىقتامالىق بولىپ سانالادى. ول ەسىل وزەنىنىڭ بويىنان جۇمباق قالانى تاۋىپ, ەجەلگى قالاعا بوزوق دەگەن اتاۋ بەردى», دەدى التىنبەك نۇح ۇلى.
سەناتور بوزوقتاعى ۇلتتىق ساياباققا, سونداي-اق الماتى, استانا قالالارى جانە پاۆلودار, الماتى وبلىستارى كوشەلەرى مەن مەكتەپتەرىنە كەمەل اقىشەۆتىڭ ەسىمىن بەرۋدى, سونداي-اق اتالعان جەرلەردە مۇراجاي اشۋدى ۇسىندى.
