ەر ادامعا قاتىستى ۇكىم مامانداندىرىلعان اۋدانارالىق قىلمىستىق سوتتا شىعارىلدى. ول ايەلىن ولتىرگەنى ءۇشىن كىنالى دەپ تانىلىپ, 10 جىلعا باس بوستاندىعىنان ايىرىلدى. بۇل مەرزىم ونىڭ جاسىن ەسكەرە وتىرىپ شىعارىلدى.
ءىستىڭ ماتەريالدارىنا سايكەس, زەينەتكەر الدىمەن جۇبايىن پاتەردە ۇرىپ-سوعىپ, ونى جىپپەن تۇنشىقتىرعان, سودان كەيىن قولىمەن قىلقىندىرعان. ولاردىڭ وتاسقاندارىنا 48 جىل بولعان.
«سوت وتىرىسىندا سوتتالۋشى ءوزىنىڭ ءىس-ارەكەتىنە وكىنەتىنىن جانە جاساعان قىلمىسىن مويىندايتىنىن ايتتى», دەپ اتاپ ءوتتى سوتتا.
سوت ۇكىمى زاڭدى كۇشىنە ەندى.
