فوتو: VNA
تو لامدى ۆەتنام پرەزيدەنتى ەتىپ سايلاۋ تۋرالى قاراردى وتىرىسقا قاتىسقان ۇلتتىق جينالىستىڭ 473 دەپۋتاتىنىڭ 472-ءسى قولدادى.
ساياساتكەردىڭ ەل پرەزيدەنتى لاۋازىمىنا ۇسىنىلعان كانديداتۋراسىن ۆەتنام كوممۋنيستىك پارتياسى ورتالىق كوميتەتى 16-18 مامىر ارالىعىندا حانويدا وتكەن كەزەكتى پلەنۋمدا ماقۇلدادى.
تو لام 21 مامىر كۇنى بۇعان دەيىن اتقارعان قوعامدىق قاۋىپسىزدىك ءمينيسترى قىزمەتىنەن بوساتىلدى.
ايتا كەتەيىك, ۆەتنامدا مەملەكەت باسشىسىنىڭ ورنى ساۋىردە ۇلتتىق جينالىستىڭ بەكىتىلگەن قارارىنا سايكەس ۆو ۆان تحۋونگ ەل پرەزيدەنتى قىزمەتىنەن بوساتىلعاننان كەيىن بوس قالدى.
