فوتو: ءماجىلىستىڭ ءباسپاسوز قىزمەتى
تۇركيا ۇلى ۇلتتىق ءماجىلىسى توراعاسىنىڭ قازاقستانعا رەسمي ساپارى بۇگىن تۇركىستاندا جالعاستى.
الدىمەن ەرلان قوشانوۆ پەن نۋمان كۋرتۋلمۋش كيەلى جەرلەردى ارالاپ, ارىستان باب, قوجا احمەت ياساۋي, رابيعا بەگىم كەسەنەلەرىندە بابالار رۋحىنا تاعزىم ەتتى.
تۇستەن كەيىن تۇركيا ۇلى ۇلتتىق ءماجىلىسىنىڭ توراعاسى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە ء«ححى عاسىرداعى تۇركى الەمىنىڭ ورنى» اتتى كونفەرەنتسياعا قاتىستى.
نۋمان كۋرتۋلمۋش قازاقستانعا ساپارى جەمىستى ءوتىپ جاتقانىنا نازار اۋداردى.
«كەشە ءبىز مەملەكەت باسشىسى قاسىم-جومارت توقاەۆتىڭ قابىلداۋىندا بولدىق. پارلامەنت پالاتالارىنىڭ توراعالارىمەن كەزدەستىك. بۇگىن تۇركىستاندا وزدەرىڭىزبەن جۇزدەسىپ وتىرمىن. جالپى, قازاقستاننىڭ ءبىز ءۇشىن ورنى بولەك. ال قوجا احمەت ياساۋي بابامىز – يسلام الەمىندە ەسىمى ەرەكشە تۇلعا. ونىڭ ەڭبەكتەرى مەن اسىل مۇرالارى تورتكۇل دۇنيەگە كەڭ تاراعان. انادولى مەن بالقان ەلدەرىنە دەيىن ياساۋي ءىلىمىنىڭ ءىزى جاتىر. عۇلامانىڭ حيكمەتتەرى مەن بىزگە جەتكەن تاعىلىمدى مۇراسى مەملەكەتتەرىمىزدى بايلانىستىرادى», دەدى تۇركيا ۇلى ۇلتتىق ءماجىلىسىنىڭ توراعاسى.
