ءبىر كۇن بۇرىن الەۋمەتتىك جەلىدە قارجى پيراميداسىن قۇرعانى ءۇشىن بەس جىلعا سوتتالعان مەيىرجان تورەباەۆتىڭ ايەلى دانا ەسەەۆا كۇيەۋى مەن بالالارىنىڭ ۇيدەگى سۋرەتىن جاريالادى.
ونىڭ ايتۋىنشا, مەيىرجان تورەباەۆ زاڭعا سايكەس قىسقا مەرزىمدى دەمالىسقا شىعارىلعان.
پاۆلودار وبلىسى بويىنشا قاجد ءباسپاسوز قىزمەتى مالىمەتىنشە, الماتى اۋداندىق سوتىنىڭ ۇكىمىمەن بەس جىلعا سوتتالعان مەيىرجان تورەباەۆ جازاسىن №44 مەكەمەدە وتەپ جاتىر, ول "ەڭبەك-پاۆلودار" فيليالىندا "ەڭبەك" شجق رمك-دا جۇمىسشى بولىپ ورنالاستىرىلعان.
- قازاقستان رەسپۋبليكاسى قىلمىستىق-اتقارۋ كودەكسىنىڭ 113 بابى نەگىزىندە 2024 جىلى 17 مامىردا تورەباەۆ مەيىرجان مىلتىقباي ۇلىنا مەكەمەدەن تىس جەرلەرگە شىعۋعا, اتاپ ايتقاندا, 2024 جىلى 17 مامىردان باستاپ 2024 جىلى 27 مامىرعا دەيىن الماتىدا جول ۋاقىتىن قوسا ەسەپتەگەندە, 11 كۇنتىزبەلىك كۇنگە اناسىنىڭ اۋرۋىنا بايلانىستى قىسقا مەرزىمدى دەمالىس بەرىلدى, - دەلىنگەن حابارلامادا.
پوسموترەت ەتۋ پۋبليكاتسيۋ ۆ Instagram
