نەگىزگى ماسەلەلەر اۋىل شارۋاشىلىعىنا قاتىستى بولدى. تاراپتار كەدەرگىسىز ساۋدا جولىنداعى ەلەۋلى قادامداردى اتاپ ءوتتى. ءبىرىنشى كەزەكتە 2024 جىلعى اقپاندا قازاقستاننىڭ وڭتۇستىك-شىعىس وڭىرلەرىنەن قىتايعا ەت ونىمدەرىن ەكسپورتتاۋعا قاتىستى اۋسىل بويىنشا شەكتەۋلەردى الىپ تاستاۋ. بۇل قازاقستانعا قحر-عا جوعارعى ساپاداعى مال شارۋاشىلىعى ونىمدەرىن ەكسپورتتاۋدى قايتا باستاۋعا مۇمكىندىك بەردى.
«قىتايلىق بيزنەسمەندەردى قازاقستاندا اۋىل شارۋاشىلىعى ونىمدەرىن ءوندىرۋ جانە تەرەڭ وڭدەۋ, ونىڭ ىشىندە وندىرىستىك كووپەراتسيا قاعيداتتارى بويىنشا بىرلەسكەن جوبالاردى ۇيىمداستىرۋعا شاقىرامىز. ءبىز ءداندى جانە مايلى داقىلداردى, ەت, قۇس شارۋاشىلىعى, ءسۇت جانە بالىق ونىمدەرىن, بال, جەمشوپ جانە باسقا دا ازىق-ت ۇلىك تۇرلەرىن ەكسپورتتاۋعا دايىنبىز», دەدى سەرىك جۇمانعارين قحر دەلەگاتسياسىنا.
قازاقستاننان قىتايعا جەتكىزىلەتىن نەگىزگى داقىلداردىڭ ءبىرى – بيداي. 2023 جىلى قىتايعا 592 مىڭ توننا, 2024 جىلدىڭ ءبىرىنشى توقسانىندا 220 مىڭ توننا بيداي ەكسپورتتالدى. سونىمەن قاتار كەيىنگى 5 جىلدا قازاقستاننان قىتايعا وسىمدىك شارۋاشىلىعى ءونىمىنىڭ ەكسپورتى 4,6 ەسەگە, اتاپ ايتقاندا, 2019 جىلعى 750 مىڭ توننادان 2023 جىلى 3,5 ملن تونناعا دەيىن ۇلعايدى.
كەيىنگى 5 جىلدا قازاقستاننان قىتايعا بيدايدان باسقا دا وسىمدىك شارۋاشىلىعى ونىمدەرىنىڭ ەكسپورتى 4,6 ەسەگە, 2019 جىلعى 750 مىڭ توننادان 2023 جىلى 3,5 ملن تونناعا دەيىن ۇلعايدى.
ءداندى داقىلداردى جەتكىزۋدەگى ىنتىماقتاستىقتى نىعايتۋ جولىنداعى ەلەۋلى قادام 2024 جىلعى ماۋسىمدا قحر-دىڭ شىڭجاڭ-ۇيعىر اۆتونوميالىق اۋدانىندا وتەتىن العاشقى قازاقستان – قىتاي استىق فورۋمى بولماق. وعان استىق ەكسپورتى/يمپورتى مەن ونى قايتا وڭدەۋ ونىمدەرىن رەتتەۋگە قاتىساتىن ەكى ەلدىڭ قازاقستاندىق جانە قىتايلىق بيزنەسىنىڭ, مەملەكەتتىك ورگاندارى مەن مەملەكەتتىك كومپانيالارىنىڭ وكىلدەرى قاتىسادى.
كەزدەسۋدە قازاقستاندىق تاراپ اۋىل شارۋاشىلىعى سالاسىنداعى ىنتىماقتاستىق بويىنشا بىرلەسكەن كىشى كوميتەت قۇرۋدى ۇسىندى. بۇل ەكى ەلدىڭ اگروونەركاسىپتىك كەشەن سالاسىنداعى ءوزارا ءىس-قيمىل الەۋەتىن نەعۇرلىم ءتيىمدى ىسكە اسىرۋعا مۇمكىندىك بەرەدى. سونداي-اق كىشى كوميتەت جۇمىسىنىڭ تيىمدىلىگىن قامتاماسىز ەتۋ ماقساتىندا قازاقستاننىڭ اۋىل شارۋاشىلىعى جانە كولىك مينيسترلىكتەرى, قتج, قحر باس كەدەن باسقارماسى جانە قىتاي تەمىر جول اكىمشىلىگى قىزمەتكەرلەرىنەن تۇراتىن بىرلەسكەن جۇمىس توبىن قۇرۋ ۇسىنىلدى, ول تۋىنداعان ماسەلەلەردى جەدەل جانە دايەكتى تۇردە شەشەتىن بولادى.
سونداي-اق كەزدەسۋ بارىسىندا تاراپتار كولىك جانە لوگيستيكا, ەلەكتروندىق كوممەرتسيا, سۋ ۇنەمدەۋ, مادەني-گۋمانيتارلىق قاتىناستار جانە باسقا دا سالالارداعى ىنتىماقتاستىق ماسەلەلەرىن تالقىلادى.
