فوتو: senate.parlam.kz
سەنات سپيكەرىنىڭ ايتۋىنشا, ESG قاعيدالارىن بيزنەسكە ەنگىزۋ باياۋ جۇرگىزىلىپ جاتىر. ول ارقاشان تولىق جانە جۇيەلى تۇردە بولا بەرمەيدى. كەيبىر ۇلتتىق كومپانيالار ءۇشىن بۇل - PR-دىڭ ءبىر تەتىگى. ال باسقالار ءۇشىن ەۋروپالىق كومپانيالارمەن سەرىكتەستىك ورناتۋ ءتاسىلى.
ء«ىرى كومپانيالار بۇل قاعيدالاردى ەۋروپا ەلدەرىمەن جانە سول جاقتاعى سەرىكتەستەرمەن بايلانىس ورناتۋ ءۇشىن ەنگىزىپ جاتىر. ودان بولەك, كومىرتەگى سالىعى جانە تاعى باسقا ماسەلەلەر دە بار. PR باعدارلاما اياسىندا دا كەيبىر قىزمەتتەر جۇزەگە اسىرىلادى. قازىر بىزدە ESG كۇن ءتارتىبىن ۇيلەستىرۋ ءالى ورتالىقتاندىرىلعان جوق. جالپى, ESG قازىرگى تاڭداعى ەرەجەلەر جيىنتىعى عانا ەمەس ەكەنى تۇسىنىكتى. بۇل – تەڭگەرىمدى ورنىقتى دامۋ يدەولوگياسى. ياعني بيزنەس, حالىق جانە مەملەكەت مۇددەلەرى اراسىنداعى تەپە-تەڭدىكتى تابۋ يدەولوگياسى. بيزنەس قورشاعان ورتانى لاستاپ, ەكولوگيالىق ستاندارتتاردى بۇزىپ, ودان ءارى دامي المايدى. وعان ەشكىم جول بەرمەيدى», دەدى سەنات توراعاسى.
سونداي-اق ول قوعامنىڭ مۇددەسى مەن سۇرانىسىن ەسكەرۋسىز قالدىرىپ, الەۋمەتتىك دامۋعا ۇلەس قوسپاي زاماناۋي بيزنەستى ءتيىمدى دامىتۋ مۇمكىن ەمەس ەكەنىن اتاپ ءوتتى.
«ESG – بۇل ءومىر سالتى جانە بىزگە وسى كۇن ءتارتىبىن ورتالىقتاندىرىلعان باسقارۋ قاجەت. حالىقتىڭ دا, مەملەكەتتىك ينستيتۋتتاردىڭ دا, سايىپ كەلگەندە بيزنەستىڭ دە مۇددەسىنە سايكەس كەلەتىن وسى ستاندارتتار مەن پرينتسيپتەردى ىلگەرىتۋ كەرەك. دەپۋتاتتار ەنەرگەتيكا سەكتورىنا زياندى گاز شىعارىندىلارى تۇرعىسىنان دا نازار اۋدارۋى كەرەك, بۇل تۇرعىدا ايتارلىقتاي ارتتا قالىپ كەلەمىز, تالپىنىسىمىز دا اسا بايقالا بەرمەيدى. بۇل باعىتتا پاراللەل كۇن ءتارتىبى بار. سوندىقتان اتالعان سالادا ماسەلە از ەمەس. الايدا, بۇل الداعى كەزەڭدە تالقىلايتىن بولەك اۋقىمدى تاقىرىپ بولاتىن شىعار», دەدى سەنات توراعاسى.
ايتا كەتسەك, پارلامەنتتىك كوميسسيانىڭ اتالعان كەزەكتى وتىرىسى ESG قاعيدالارىن, ياعني بيزنەس-ورتادا ودم-عا قول جەتكىزۋ ءۇشىن ەكولوگيالىق, الەۋمەتتىك جانە باسقارۋشىلىق تاجىريبەلەردى ەنگىزۋ ماسەلەلەرىنە ارنالدى.
