فوتو: اتىراۋ وبلىسىنىڭ تج جونىندەگى جەدەل شتابى
اتىراۋ قالاسى اكىمىنىڭ ورىنباسارى نۇرجان ەرمۇحانوۆتىڭ ايتۋىنشا, اتىراۋ-يندەر تاسجولىنىڭ 27-ءشى شاقىرىمىندا جەدەل قالپىنا كەلتىرۋ جۇمىستارى ءجۇرىپ جاتىر.
«تالدىكول اۋىلىنداعى گاز قۇبىرىنىڭ اينالاسىنان سۋ اعىپ, توپىراق پەن تراسسانىڭ وپىرىلۋىنا اكەلدى. زارداپ شەككەندەر جوق. گاز قۇبىرىنىڭ نەمەسە گاز تاراتۋدىڭ زاقىمدانۋى تۋرالى دەرەكتەر تىركەلگەن جوق. اتىراۋ وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ ماماندارى جەدەل قالپىنا كەلتىرۋ جۇمىستارىن جۇرگىزىپ جاتىر. ءتورت ارنايى تەحنيكا مەن 15 مامان جۇمىلدىرىلدى. بۇگىن كەشكە دەيىن جول تولىعىمەن قالپىنا كەلتىرىلەدى», دەدى اتىراۋ قالاسى اكىمىنىڭ ورىنباسارى نۇرجان ەرمۇحانوۆ.
27 مەن 28 شاقىرىم ارالىعىندا اۆتوكولىك جۇرگىزۋشىلەرى اينالما جولمەن جۇرۋگە مۇمكىندىك جاسالىندى. اتىراۋ قالالىق پوليتسيا باسقارماسىنىڭ جول ينسپەكتسياسىنىڭ قىزمەتكەرلەرى جول قاۋىپسىزدىگىن قامتاماسىز ەتىپ جاتىر.
قىرمىزى جۇماعاليقىزى,
ەۇۋ ستۋدەنتى
