ءىس-شارادا جيىنعا قاتىسۋشىلار قاۋىپسىزدىكتىڭ وڭىرلىك جانە حالىقارالىق وزەكتى ماسەلەلەرى, سونىڭ ىشىندە سۋ-ەنەرگەتيكالىق جانە ازىق-ت ۇلىك قاۋىپسىزدىگى جونىندە جان-جاقتى پىكىر الماستى.
ءسوز باسىندا عيزات نۇرداۋلەتوۆ ورتالىق ازيا مەملەكەتتەرى پرەزيدەنتتەرىنىڭ ماقساتكەرلىك كۇش-جىگەرىنىڭ جانە ءبىرىزدى قادامدارىنىڭ ارقاسىندا ورتاازيالىق ىقپالداستىق جاڭا دەڭگەيگە كوتەرىلىپ وتىرعانىن اتاپ ءوتتى.
– بۇل ەلدەرىمىز اراسىندا ورناعان سەنىم, دوستىق پەن تاتۋكورشىلىكتىڭ سانعاسىرلىق دانەكەرىن نىعايتۋعا دەگەن ۇمتىلىستى بىلدىرەدى. قارىم-قاتىناسىمىزدى تەرەڭدەتۋدە ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋى ماڭىزدى رولگە يە. بىرلەسكەن ءوزارا ءىس-قيمىلدىڭ بۇل ۇلگىسى ساۋدا, ونەركاسىپتىك كووپەراتسيا, ەنەرگەتيكا, كولىك جانە لوگيستيكا سالالارىنداعى جان-جاقتى ىنتىماقتاستىقتىڭ دامۋىنا ايتارلىقتاي سەرپىن بەردى, – دەدى قاۋىپسىزدىك كەڭەسىنىڭ حاتشىسى.
عيزات نۇرداۋلەتوۆ سونداي-اق قازىرگى تاڭدا الداعى تامىز ايىندا استانادا بولاتىن VI ءسامميتتى ويداعىداي وتكىزۋدىڭ دايىندىق جۇمىستارى قىزۋ ءجۇرىپ جاتقانىن ايتىپ ءوتتى.
بۇدان بولەك, تاراپتار ورتالىق ازيا ەلدەرىنىڭ كولىك قاۋىپسىزدىگى جانە كولىك-لوگيستيكا الەۋەتىن دامىتۋ اسپەكتىلەرىن تالقىلادى.
قاۋىپسىزدىك كەڭەسىنىڭ حاتشىسى ارىپتەستەرىنە اتالعان ماسەلەلەر بويىنشا قازاقستاننىڭ ۇستانىمىن جەتكىزدى. ترانسشەكارالىق وزەن رەسۋرستارىن ءتيىمدى باسقارۋ, تەڭ جانە ءادىل سۋ پايدالانۋ قاعيدالارىنا نەگىزدەلىپ, شوعىرلاندىرىلعان سۋ ساياساتىن ازىرلەۋ جانە جۇزەگە اسىرۋ, ءوزارا مىندەتتەمەلەردى مۇلتىكسىز ورىنداۋ بويىنشا ىنتىماقتاستىقتى دامىتۋ جونىندە بىرقاتار ۇسىنىس ەنگىزدى.
– گەوساياسي جانە گەوەكونوميكالىق تۋربۋلەنتتىلىك ءوڭىرىمىزدىڭ قاۋىپسىزدىك جاعدايىنا تەرىس اسەرىن تيگىزەدى. بۇگىنگى بىزبەن بولعان كەزدەسۋدە قازاقستان پرەزيدەنتى قاسىم-جومارت توقاەۆ اتاپ وتكەندەي, ورتالىق ازيا ەلدەرى قاۋىپسىزدىك كەڭەسىنىڭ حاتشىلارى دەڭگەيىندەگى كەزدەسۋلەر سىرتقى جانە ىشكى قاۋىپ-قاتەرلەرگە قارسى تۇرۋدا كۇش-جىگەردى بىرىكتىرۋ الاڭى بولۋعا باعىتتالعان. سونىمەن قاتار ءبىزدىڭ ءوزارا ءىس-قيمىل فورماتىمىز ساياسي جانە ساۋدا-ەكونوميكالىق ىنتىماقتاستىقتى دامىتۋداعى وڭ ديناميكانى نىعايتۋعا سەپتىگىن تيگىزبەك, – دەگەن ع.نۇرداۋلەتوۆ وسى مۇمكىندىكتى پايدالانىپ, ەلىمىزدەگى سۋ تاسقىنى كەزىندە تۋىستىق تىلەكتەستىگىن ءبىلدىرىپ جانە گۋمانيتارلىق كومەگىن كورسەتكەن ورتاازيالىق باۋىرلاس ەلدەرگە شىنايى العىسىن ءبىلدىردى.
سونداي-اق ول مەملەكەتتەرىمىزدىڭ مۇددەلەرىن ەسكەرە وتىرىپ, بۇگىنگى كەزدەسۋدىڭ كۇن ءتارتىبى بەكىتىلگەنىن اتىپ ءوتتى.
– ءبىز باستاپقى كەزەڭدە ءۇش تارماققا باسىمدىق بەرىپ, ولاردى جۇزەگە اسىرۋ ءۇشىن دايەكتى تۇردە ىلگەرىلەۋگە ۋاعدالاستىق. ءبىرىنشى, سۋ-ەنەرگەتيكالىق قاۋىپسىزدىگى, ەكىنشى, ازىق-ت ۇلىك قاۋىپسىزدىگى, ءۇشىنشى, ورتالىق ازيا ەلدەرىنىڭ قاۋىپسىزدىگى مەن كولىك-لوگيستيكالىق الەۋەتىن دامىتۋ. كورسەتىلگەن بارلىق باعىت ورنىقتى الەۋمەتتىك-ەكونوميكالىق
دامۋعا وزەكتى ءارى ماڭىزدى بولىپ وتىر. سوندىقتان ولار وڭىردەگى ستراتەگيالىق تۇراقتىلىقتى قامتاماسىز ەتۋدى ەسكەرە وتىرىپ, ۇيلەستىرىلگەن سالاارالىق تاسىلدەردى تالاپ ەتەدى, – دەدى ع.نۇرداۋلەتوۆ.
ماڭىزدى جيىندا ورتالىق ازيا ازىق-ت ۇلىك قاۋىپسىزدىگىن قامتاماسىز ەتۋدىڭ ورتاق ستراتەگيالىق تاسىلدەرىن قالىپتاستىرۋ, سونداي-اق ەكونوميكالىق بايلانىستى نىعايتۋ ماقساتىندا كولىك دالىزدەرىن ودان ءارى دامىتۋ قاجەتتىگى اتاپ ءوتىلدى.
ءبىرىنشى كەزدەسۋدىڭ قورىتىندىسى بويىنشا تاراپتار وڭىرلىك قاۋىپسىزدىكتى نىعايتۋ سالاسىنداعى تىعىز ىنتىماقتاستىقتى جالعاستىرۋعا دايىن ەكەندەرىن ءبىلدىردى.
