فوتو: پرەزيدەنت جانىنداعى مەملەكەتتىك باسقارۋ اكادەمياسى
وقىتۋ ونلاين جانە وفلاين فورماتتاردى قامتيدى. نەگىزگى وفلاين شارالاردىڭ ءبىرى – ءباا مينيسترلەر كابينەتى ءمينيسترىنىڭ باسەكەگە قابىلەتتىلىك جانە تاجىريبە الماسۋ جونىندەگى ورىنباسارى ابدۋللا ناسسەر لۋتا, سونداي-اق Mohammed bin Rashid Government مەكتەبى پروفەسسورلارى باستاعان ءباا دەلەگاتسياسىنىڭ ساپارى. ابدۋللا ناسسەر لۋتا بولاشاقتا اۋقىمدى جوبالاردى جۇزەگە اسىرۋعا دايىن ەكەنىن اتاپ ءوتتى.
«بۇگىندە قازاقستان مەن ءباا اراسىنداعى مادەني, ەكونوميكالىق بايلانىس نىعايىپ جاتىر. ول عانا ەمەس, مىنە, بۇگىن مەملەكەتتىك قىزمەتكەرلەر تاجىريبە الماسىپ جاتىر. بۇل – ءبىز ءۇشىن دە ۇلكەن مارتەبە. الداعى ۋاقىتتا اۋقىمدى جوبالاردى بىرلەسىپ جۇزەگە اسىرۋعا دايىنبىز», دەدى ول.
پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىلدىڭ ايتۋىنشا, مەملەكەتتىك قىزمەتشىلەر وقۋ بارىسىندا ءوز جوبالارىن ۇسىنادى.
«وقۋعا ورتالىق مەملەكەتتىك ورگاننىڭ ۆيتسە-مينيسترلەرى, دەپارتامەنت باسشىلارى, اكادەميانىڭ وكىلدەرى قاتىسىپ جاتىر. جالپى قاتىسۋشىلار سانى – 33, ولار بىرنەشە توپقا ءبولىندى. سول توپ بويىنشا وزدەرىنىڭ جوبالارىن ء باا-دەن كەلگەن ماماندارمەن تالقىلاي وتىرىپ, ورتاعا ۇسىناتىن بولادى. بىرىككەن اراب امىرلىگى – كرەاتيۆتى يندۋستريا, تەحنولوگيانى دامىتۋ بويىنشا رەسۋرستاردىڭ ازدىعىنا قاراماستان وركەندەۋ قارقىنى وتە جوعارى ەل. ولاردىڭ تاجىربيەسىنە سۇيەنىپ, دامىپ كەلە جاتقان مەملەكەتتەر سانى ارتىپ كەلەدى. ەكى ەل بىرلەسە مەملەكەتتىك قىزمەتكەرلەردى دايارلاۋدا بىرنەشە باعدارلاما ۇسىنامىز. ونىڭ ىشىندە ساياسي مەملەكەتتىك قىزمەتكەرلەرگە ستراتەگيالىق جوسپارلاۋدى, ستراتەگيالىق ويلاۋدى ۇيرەتۋ جانە كوشباسشىلىق باعدارلامالارى بار», دەدى رەكتور.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ بۇگىن ۇلتتىق اكسەلەراتوردىڭ ىسكە قوسىلاتىنىن جاريالادى.
«وزەكتى پروبلەمالىق ماسەلەلەردى شەشۋدىڭ 100 كۇنىندە ءباا-ءنىڭ جەدەلدەتۋ تاجىريبەسىن زەردەلەي وتىرىپ, اتالعان تەتىكتى ۇلتتىق جوبالىق كەڭسەدە ىسكە قوسۋدى ءجون كوردىك. مەملەكەتتىك ورگاندارمەن بىرلەسىپ اكسەلەراتسيالاۋ تاقىرىپتارى انىقتالدى. ماڭىزدى باعىتتاردىڭ ءبىرى – Capacity Building (الەۋەتتى ارتتىرۋ), ونىڭ شەڭبەرىندە قر پرەزيدەنتى جانىنداعى مەملەكەتتىك باسقارۋ اكادەمياسىمەن بىرلەسىپ, مۇحاممەد بەن راشيد مەملەكەتتىك باسقارۋ مەكتەبىنىڭ Executive Leadership Program بويىنشا مەملەكەتتىك ورگانداردىڭ باسشىلارىن وقىتامىز. ياعني, ءباا-نە تسيفرلىق ۆيتسە-مينيسترلەرىمىزدى وقىتۋعا جىبەرەمىز, ولار جاساندى ينتەللەكتىنى قولدانا وتىرىپ, ءتۇرلى سالالارداعى مەملەكەتتىك باسقارۋدىڭ جاڭا تاسىلدەرى مەن ادىستەرى بويىنشا وقىتىلاتىن بولادى», دەپ اتاپ ءوتتى مينيستر.
«Kazakhstan Executive Leadership Program 2024» وقىتۋ باعدارلاماسىنا قاتىسۋشى حالىقارالىق باعدارلامالار ورتالىعى اق باسقارما توراعاسى ءاليا وسپانوۆا جوبانىڭ كوشباسشىلار ءۇشىن ماڭىزدىلىعىن اتاپ ءوتتى.
«بىرىككەن اراب امىرلىگى 100 كۇندىكپەن جۇمىس ىستەيدى. جوبانىڭ ۇستازدارى – اراب امىرلىگىنىڭ 50-100 جىلدىق ستراتەگيالىق قۇجاتتارىن جازعان اۆتورلار. ولاردىڭ قويعان تالاپتارى, كورسەتىپ جاتقان تاجىريبەلەرى بىزگە وتە قىزىق. قازاقستاننىڭ كوشباسشىلارى وسى ترەنينگكە قاتىسىپ, سول وزىق تاجىريبەنى مەڭگەرۋى كەرەك», دەدى قاتىسۋشى.
