فوتو: الماتى اكىمدىگى
الماتى اكىمدىگىنىڭ مالىمەتىنشە, اۋدانى شامامەن 544 شارشى مەتر بولاتىن وبەكتىنى مەنشىك يەسى (جەكە تۇلعا) رۇقسات بەرۋ قۇجاتتاماسىنسىز, اۆتورلىق جانە تەحنيكالىق قاداعالاۋسىز شارۋاشىلىق تاسىلمەن تۇرعىزعان.
قۇرىلىس باسقارما مەنشىك يەسىنە قاتىستى جوسپاردان تىس تەكسەرۋ ناتيجەلەرى بويىنشا قر اقبتك-ءنىڭ 316-بابى 1-بولىگى, 321, 322-بولىگى 1, 463-بولىگى 1-بولىگى بويىنشا شارالار قابىلدادى. سونداي-اق جول بەرىلگەن بۇزۋشىلىقتاردى جويماعانى ءۇشىن نۇسقاما بەرىلدى. نۇسقاما تالاپتارىن ورىنداماعانى ءۇشىن مەنشىك يەسى قر اقبتك 462-بابى 3-بولىگى بويىنشا اكىمشىلىك جاۋاپقا تارتىلادى.
«2023 جىلدىڭ 9 ماۋسىمىندا مەدەۋ اۋداندىق سوتىنىڭ شەشىمىمەن باسقارمانىڭ وبەكتىنى بۇزۋعا قاتىستى تالاپ ارىزى قاناعاتتاندىرىلدى. سودان كەيىن مەنشىك يەسىنىڭ اپپەلياتسيالىق شاعىمى بويىنشا سوت تالقىلاۋلارى جۇرگىزىلدى. 2023 جىلى 21 قىركۇيەكتە الماتى قالالىق سوتى ءبىرىنشى ساتىداعى شەشىمدى وزگەرىسسىز قالدىردى», دەپ ءتۇسىندىردى اكىمدىك وكىلدەرى.
