يندەر اۋدانىنىڭ اكىمى دارىن شامۇراتوۆتىڭ ايتۋىنشا, 8 مامىردان بەرى اتالعان جول بولىگىنىڭ جيەگىنە توپىراق توگىلىپ, بوگەت تۇرعىزىلعان. الايدا, جايىق وزەنىنەن ساي-جىرالارعا شىققان تاسقىن سۋدىڭ اعىسىن توقتاتۋ مۇمكىن بولماعان.
«بۇگىن, 13 مامىردا ساعات 09:45-تە سايلارعا جينالعان تاسقىن سۋ اتىراۋ-ورال تراسساسىنان يندەربور كەنتىنە باراتىن جولدىڭ 3-5-شاقىرىمى ارالىعىن باستى. وسى ۋچاسكەدە اۆتوكولىكتىڭ بارلىق ءتۇرى ءۇشىن قوزعالىس توقتاتىلدى. ورال قالاسىنا باراتىن اۆتوكولىك جۇرگىزۋشىلەرى ءۇشىن ماحامبەت اۋىلى ارقىلى وتەتىن بالاما جول بار», دەپ حابارلادى وبلىستىق جەدەل شتابتان.
