فوتو: Massaget.kz / نۇرجان رىسبەكوۆ
تجم ءباسپاسوز قىزمەتىنىڭ حابارلاۋىنشا, ەۆاكۋاتسيالاۋ پۋنكتتەرىندە 5291 ادام قالدى, ونىڭ 2239-ى بالالار. 11205 تۇرعىن ءۇي مەن 3516 اۋلا اۋماقتارىنان سۋدىڭ باعىتى بۇرىلىپ, سورىلدى. سونداي-اق 19,3 ميلليون م3 استام ەرىگەن سۋ سورىلىپ, 7,8 ميلليون قاپ پەن 1,5 ميلليون توننا ينەرتتى ماتەريال توسەلدى.
ەلدىڭ باتىسىنداعى جاعداي شيەلەنىسىپ تۇر. اتىراۋدا سۋ تاسقىنىنىڭ شارىقتاۋ شەگى 4-5 كۇننەن كەيىن بولۋى مۇمكىن. ەسكە سالا كەتەيىك, پرەمەر-ءمينيستردىڭ ورىنباسارى قانات بوزىمباەۆ اتىراۋداعى سۋ تاسقىنىنا قارسى قۇرىلىمدار مەن ەكى كانالدىڭ جۇمىسىن تەكسەردى.
سونىمەن قاتار اتىراۋ وبلىسىنداعى يندەربور اۋىلىندا 300-دەن استام ادام سۋ سورىپ, بوگەت سالىپ جاتىر. جويۋ جۇمىستارىن قاۋىپسىز جۇرگىزۋ ءۇشىن اۋىلدىڭ ءبىر بولىگى ەلەكتر جارىعىنان اجىراتىلدى.
قىرمىزى جۇماعاليقىزى,
ەۇۋ ستۋدەنتى
