«تەركەش – فورفوردان جاسالعان كەسەلەردى سالاتىن تەرىدەن جاسالعان ءىشى جۇمساق, تىسى قاتتى تۇرمىستىق بۇيىم. ەجەلدە اتا-بابالارىمىز كوشىپ-قونعان كەزدە ىدىس-اياعى سىنىپ قالماۋى ءۇشىن پايدالانعان. ونىڭ كەسە ءتارىزدى قۋىس قالتاشىعى بولادى, تومەنگى بولىگى – تەگىس. تەركەشتىڭ سىرتقى ءپىشىنى جارتى شار ءتارىزدى دوڭگەلەنىپ كەلەدى, توبەسىندە قايىس شاشاعى – قارقاراسى جانە كوشكەندە اتتىڭ قانجىعاسىنا بايلاۋعا ىڭعايلى جالپاق باۋى بار. قالتاشىق بەتى مەن قاقپاعىن ءبىر-بىرىمەن بەتتەستىرىپ بايلاۋعا ارنالعان 5 قۇلاقشا قايىس باۋى بولادى. بەس قيىقتان ءپىشىپ, قۇراپ تىككەن. تىسى ورنەكپەن جانە مەتالل جىپتەرمەن زەرلەنىپ, ءۇشبۇرىش تۇمارشا ويۋى سالىنعان. ىدىس سىنىپ قالماۋى ءۇشىن ىشكى جاعى كيىزبەن قاپتالعان. نەگىزى مۇنداي تۇرمىستىق دۇنيەلەردى جاساۋعا كوبىنە ىستىققا, سۋعا ءتوزىمدى تۇيەنىڭ تەرىسى پايدالانىلعان», دەيدى مۋزەيدىڭ عىلىمي حاتشىسى ءنازيما وتاشەۆا.
ايەت اۋىلىنداعى بەيىمبەت مايلين اتىنداعى تاريحي-ولكەتانۋ مۋزەيىندە دە ءۇش ۇياشىقتى تەركەش ساقتاۋلى تۇر.
قوستاناي وبلىسى
