قولجەتىمدى ورتاعا قادام

وبلىستىق جۇمىسپەن قامتۋدى ۇيلەس­تىرۋ جانە الەۋمەتتىك باع­دارلامالار باسقارماسى دەرە­گىنشە, بىلتىرعى 366 نىساندى بەيىمدەۋ جۇمىستارىنا بيۋدجەتتەن جانە بيۋدجەتتەن تىس كوزدەردەن 45,1 ملن تەڭگە جۇمسالىپ, رەسپۋبليكالىق قولجەتىمدىلىكتىڭ ينتەراكتيۆتى كارتاسىنا ەنگىزىلگەن. ال بيىل 374 نىساندى بەيىمدەۋ جوسپارلانىپ وتىر.

وبلىستا 40 اۆتوكولىك ينۆاتاكسي قىزمەتىن جۇزەگە اسىرىپ كەلەدى. ونىڭ 11-ءى كرەسلو-اربامەن جۇرەتىن مۇگەدەكتىگى بار ادامدارعا بەيىمدەلگەن. ينۆاتاكسي قىزمەتىن قامتاماسىز ەتۋگە بيىل بيۋدجەتتەن 124,3 ملن تەڭگە ءبولىنىپتى. وبلىس اكىمى نۇرلىبەك نالىباەۆتىڭ ۇسىنىسىنا سايكەس وسى جىلى «حالىق بانك» اق «100 يگى ءىس» ناۋقانى اياسىندا قىزىلوردا جانە بايقوڭىر قالا­لارىنا مۇگەدەكتىگى بار ادامداردى تاسىمالداۋعا قۇنى 23 ملن تەڭگە تۇراتىن ارنايى ەكى ينۆاتاكسي كولىگىن سىيعا تارتتى.

مۇگەدەكتىگى بار ازاماتتاردىڭ قۇ­قىق­تا­رىن قامتاماسىز ەتۋ جانە ءومىر ءسۇرۋ ساپاسىن جاق­سارتۋ جونىندەگى ۇلتتىق جوسپار, مەملەكەت باسشىسىنىڭ تاپسىرماسىمەن ازىرلەنگەن «Amanat» پارتياسىنىڭ جول كارتاسى جانە «حالىقپەن بىرگە» جوبالارى اياسىنداعى جۇمىستار ناتيجەسىندە وڭىردەگى قول­جەتىمدى ورتاعا قادام جاساۋدىڭ كور­سەت­كىشى كوڭىل قۋانتادى.

«كەيىنگى ۋاقىتتا مەملەكەتتىك مەكەمەلەر, الەۋمەتتىك نىساندار كەرى بايلانىس ورناتۋعا نازار اۋدارىپ, مۇگەدەكتىگى بار ادام­­داردىڭ قوزعالىسىن جەڭىل­دەتۋگە ارنالعان پاندۋستار جاساپ, ستاندارتقا سايكەس ەسىكتى كەڭەيتىپ, ارنايى تۇراق جاساقتاۋعا كوڭىل ءبولىپ وتىر. قوعامدا ءبىزدى ەستىپ, تالابىمىزدى ەسكەرەتىندەر كوبەيگەنى قۋانتادى. مىسالى, بىلتىر «وتباسى بانك» ارنايى كوتەرگىش ورناتتى. قالادا پاندۋستارى بار اۆتوبۋستاردىڭ سانى ارتتى», دەيدى «قىزىلوردا وبلىستىق مۇگەدەكتەر قوعامى» قوعامدىق بىرلەستىگىنىڭ توراعاسى ساعاتبەك سيۋوۆ.

ەڭبەك جانە الەۋمەتتىك قورعاۋ كومي­تە­تىنىڭ قىزىلوردا وبلىسى بويىنشا اۋماق­تىق دەپارتامەنتى مۇگەدەكتەرگە كەدەرگىسىز ورتا قالىپتاستىرىپ, قول­جەتىمدى­لىكتى ارتتىرۋ باعى­تىنداعى جۇمىستاردى باقى­لاپ وتىرا­دى. بيىلعى I توق­­ساندا مەملەكەت­تىك باسقارۋ, دەن­ساۋ­لىق ساقتاۋ, الەۋمەتتىك قورعاۋ, مادەنيەت, باسقا دا سالا­لارداعى الەۋمەتتىك ينفرا­قۇرى­­لىم نىساندارىنا 47 تەكسەرۋ جۇرگىزگەن. ونىڭ 32-ءسى پروفيلاكتيكالىق باقىلاۋ اياسىندا بولسا, 14-ءى پروكۋراتۋرا تالابىمەن وتكەن. تەكسەرۋ قورىتىندىسىندا انىقتالعان بۇزۋشىلىقتاردى جويۋعا
22 ۇيعارىم بەرىلىپ, 3,6 ملن تەڭگەدەن اساتىن 40 اكىمشىلىك ايىپپۇل سالىندى.

مۇگەدەكتىگى بار بالانى تاربيەلەپ وتىرعان اتا-انانىڭ وتىنىشىمەن قىزىلوردا قالاسى اكىمدىگىنىڭ جۇمىسپەن قامتۋ جانە الەۋمەتتىك باعدار­لامالار بولىمىنە مۇگە­دەك­تىگى بار ادامداردى وڭالتۋ جانە وڭالتۋدىڭ جەكە باعدار­لاماسىنىڭ پروتەزدىك-ورتوپە­ديالىق كومەكپەن قامتاماسىز ەتۋ جۇمىسىنىڭ ورىندالۋى­نا جوسپاردان تىس تەكسەرۋ جۇرگىزىلدى. ونىڭ قورىتىندىسىندا بالانىڭ كورسەتپەن قامتاماسىز ەتىلمەگەنى انىقتالىپ, بۇزۋشىلىقتاردى جويۋ تۋرالى نۇسقاما بەرىلدى, اكىمشىلىك ايىپپۇل سالىندى.

وبلىستىق جۇمىسپەن قامتۋ­دى ۇيلەستى­رۋ جانە الەۋمەتتىك باعدارلامالار باس­قار­ماسى مالى­مەتىنشە, بىلتىر 30 232 ءوتى­نىش بەرۋشىنىڭ 29 901-ءى الەۋمەتتىك وڭالتۋ شارالارىن الىپ, جوسپار 99 پا­يىزدان اسىرا ورىندالىپتى. ال بيىلعى 3 ايدا الەۋمەتتىك قىزمەتتەر پورتالى ارقىلى 16 563 مۇگەدەكتىگى بار جان­نىڭ 12 293-ءى وڭالتۋدىڭ جەكە باع­دارلاماسى­نا سايكەس تەحنيكا­لىق وڭالتۋ قۇرالدارىمەن قام­تاماسىز ەتىلىپ, ورىندالۋى جا­ع­ىنان ءوڭىر رەسپۋبليكا بو­يىن­شا ءبىرىنشى ورىنعا شىق­تى. وسى جىلعا مۇگەدەكتىگى بار ادام­­داردىڭ وڭالتۋدىڭ جەكە باعدار­لا­­ما­سىن ورىن­داۋعا رەسپۋب­ليكالىق جانە وبلىس­تىق بيۋدجەتتەن بارلىعى 6,6 ملرد تەڭگە ءبولىنىپ وتىر.

سونىمەن قاتار ساناتوري-كۋرورتتىق ەمدەلۋ قىزمەتىنە وڭالتۋدىڭ جەكە باعدارلاماسى ازىرلەنگەن ءبىرىنشى توپتاعى مۇگەدەكتىگى بار ادامدارعا جىلىنا ءبىر رەت ىلەسىپ ءجۇرۋشىنىڭ شىعىندارى بىلتىر 1 ادامعا 40 اەك بولسا, بيىل 60 اەك مولشەرىندە وتەلەدى. رەسپۋبليكا كۇ­نىنە وراي وبلىس بويىنشا بارلىق ساناتتاعى مۇگەدەكتىگى بار ازاماتتارعا 3 ايلىق ەسەپ­تىك كورسەتكىش مولشەرىندە بىررەتتىك الەۋمەتتىك كومەك بەرۋگە وبلىستىق بيۋدجەتتەن قارجى ءبولىندى.

ەرەكشە قاجەتتىلىگى بار بالا­لارعا قوسىمشا وڭالتۋ قىزمەت­تەرىن كورسەتۋ ءۇشىن وڭىردە يپپوتەراپيامەن وڭالتۋ قىزمەتى جۇزەگە اسىرىلىپ كەلە جاتقانىن دا ايتا كەتكەن ءجون. بىلتىر وبلىستىق بيۋدجەتتەن 26 ملن تەڭگە ءبولىنىپ, مەملەكەتتىك الەۋمەتتىك تاپسىرىس ارقىلى 200 بالاعا قىزمەت كورسەتىلدى. ناتيجەسىندە, ات سپورتى بويىنشا رەسپۋبليكالىق پاراليمپيادالىق جارىستارعا قاتىس­قان قىزمەت الۋشىلار كە­يىنگى ەكى جىلدا جۇلدەلى ورىن­دارعا يە بولىپ وتىر. بيىل بۇ­عان 24,4 ملن تەڭگە ءبولىنىپ, مەم­­­لەكەتتىك ساتىپ الۋ قورى­تىن­­دى­سىمەن «التاير-بوبەك» قوعامدىق قورى 150 بالاعا قىزمەت كورسەتەدى.

مەملەكەتتىك الەۋمەتتىك تاپسىرىس نەگىزىندە 2022 جىلدان باس­تاپ مۇگەدەكتىگى بار ادامدار مەن بالالاردى الەۋمەتتىك قولداۋعا ارنالعان ءىس-شارالار وتكىزىلىپ كەلەدى. بىلتىر وبلىستىق بيۋدجەتتەن 9,3 ملن تەڭگە ءبولى­نىپ, «قىزىلوردا وبلىسىنىڭ مۇگەدەكتەر قوعامى» قوعامدىق بىرلەستىگىمەن جاسالعان شارت نەگىزىندە مۇگەدەكتىگى بار ادامدار مەن بالالاردىڭ قاتىسۋىمەن سپورت جارىستارى, فەستيۆالدار ۇيىمداستىرىلىپ, كينوزالدار مەن تەاترعا بارىپ, مۋزەيلەردى ارالادى, تاريحي ورىندارعا سايا­حات جاسادى. بيىل وسىنداي ءىس-شارالار ءۇشىن بيۋدجەتتەن 12,8 ملن تەڭگە ءبولىنىپ وتىر.

قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا قاراستى 150 توسەك-ورىندىق «مۇگەدەكتەرگە ارنالعان وڭالتۋ ورتالىعى» كمم-سىندا زاماناۋي تالاپتارعا سايكەس قۇرال-جابدىقتارمەن قامتىلعان ەمدىك كابينەتتەر, ءدارى ەگۋ, ۋقالاۋ, ەمدىك دەنەشىنىقتىرۋ بولمەلەرى, بيوۆاننا, سەنسورلىق كابينەتتەر, ترەناجەر زالى, ءماجىلىس زالى, سپورت زال, شاشتاراز, كىتاپحانا, تىگىن, اعاش شەبەرحانالارى بار. وڭالتۋ شارالارى اياسىندا قىزمەت الۋشى باسسەين, تىرەك-قيمىل اپپاراتتارىن قالپىنا كەلتىرۋگە ارنالعان ءتۇرلى قۇرىلعىلار, لوكو­مات اپپاراتىن پايدالانۋمەن قاتار, ءوز قولىمەن ەككەن جەمىس-جي­دەكتەردى قاراپ, ساياباقتا تى­نى­عادى. بىلتىر ورتالىقتا وڭالتۋ ءىس-شارالارىنان وتكەن 1 054 ادام­نىڭ 185-ءىنىڭ, بيىلعى 3 ايدا قىزمەت العان 280 ادامنىڭ 73-ءنىڭ دەنساۋلىعىندا وڭ ناتيجە بايقالعان.

بيىل وبلىستىق ءماسليحات دەپۋ­تات­تارىنىڭ قولداۋىمەن مۇگە­دەكتىگى بار ادام­دارعا وڭال­­تۋ شارالارىن جۇرگىزۋگە ارنال­عان زاماناۋي مەديتسينالىق قۇ­رال-جابدىقتار ساتىپ الۋعا وب­لىس­تىق بيۋدجەتتەن 270 ملن تەڭ­گە, سونىڭ ىشىندە «كريساف» (تىرەك­سىز كۇيدەگى لوكوموتورلىق تەرا­پياعا ارنالعان اقپاراتتىق-باع­دارلامالار كەشەنىن) مەدي­تسينالىق قۇرىلعىسىن ساتىپ الۋعا 204 ملن تەڭگە ءبولىنىپ, مەملەكەتتىك ساتىپ الۋ جۇمىستارى جۇرگىزىلىپ جاتىر.

قوعامدىق ورىنداردا, جاڭا­دان سالىنىپ جاتقان اللەيا, عيماراتتارعا ايىنا ءبىر مارتە رەيد جۇمىستارىن جۇرگىزىپ تۇراتىن «قىزىلوردا وبلىس­تىق مۇگەدەكتەر قوعامى» قب مۇشەلەرى دە كەيىنگى جىلدارى مەملەكەتتىك مەكەمەلەر تاراپىنان وڭ كوزقاراس بايقالىپ وتىرعانىن ايتادى.

«ەندى ءتۇرلى ءدارىحانا, تاماق­تانۋ ورىندارى سولاردان ۇلگى السا ەكەن. ولاردىڭ كوپشىلىگىنە مۇگەدەكتىگى بار جانداردىڭ كىرىپ-شىعۋى ءالى دە قيىندىق تۋدىرادى. پان­دۋس­تاردىڭ ىڭعايسىزدىعى, باسپالداق قاتارلارىنىڭ كوپ­تىگى دە ءبىز ءۇشىن از كەدەرگى ەمەس. كاسىپ­كەرلەر اراسىندا بۇل ماسە­لەگە تۇسىنىستىكپەن قاراپ, ءبىز ءۇشىن جايلى جاعداي جاساپ وتىرعاندار دا بار. وسىدان 3-4 جىل بۇرىنعى احۋالمەن سالىستىرعاندا قازىر وبلىستا قولجەتىمدى ورتا قالىپ­تاستىرۋ قادامدارى ايقىن كورى­نەدى», دەيدى قوعامدىق بىر­لەستىك توراعاسى س.سيۋوۆ.

قىزىلوردا