فوتو: الماتى قالاسى اكىمدىگى
كەز-كەلگەن مەملەكەتتىڭ ءال-اۋقاتى قارتتار مەن بالالارعا دەگەن كوزقاراسپەن ولشەنەدى. ۇلى جەڭىستىڭ 79 جىلدىعى قارساڭىندا وتكەن اتالعان ءىس-شارانىڭ ماڭىزدىلىعىن ايتقان جەتىسۋ اۋدانى ارداگەرلەر كەڭەسىنىڭ توراعاسى تامارا شاكىروۆا: ء«بىزدىڭ اۋداندا ءبىر ارداگەر – يليا كۋدين گريگورەۆيچ تۇرادى. ونىڭ بۇگىن وسى مەرەكەگە قوسىلعانىنا وتە قۋانىشتىمىن جانە ريزامىن. سونداي-اق قالا اكىمدىگىنە العىسىمدى بىلدىرگىم كەلەدى. اللەيانىڭ اشىلۋى ۇرپاقتاردىڭ بىرىگۋىنە جانە پاتريوتتىق قۇندىلىقتاردىڭ قالىپتاسۋىنا ىقپال ەتەدى دەپ سانايمىن», دەدى.
ال زەينەتكەر قۇلشارا سيەنوۆا: «وتانىمىزعا قىزمەت ەتكەندەرگە ءدان ريزامىن. ءبىزدىڭ قوعامنىڭ ولاردىڭ ەرلىگىن قۇرمەتتەپ, ەستە ساقتاپ جۇرگەنىن كورۋ مەن ءۇشىن ماقتانىش», دەدى.
بۇگىندە قالادا 43 سوعىس ارداگەرى تۇرادى. الماتى اكىمى ەربولات دوساەۆتىڭ تاپسىرماسى بويىنشا ەكىنشى دۇنيەجۇزىلىك سوعىس ارداگەرلەرىنە بىرجولعى الەۋمەتتىك كومەكتى 1 ملن تەڭگەگە ۇلعايتۋ تۋرالى شەشىم قابىلداندى. بۇل شەشىمدى قالا ءماسليحاتى قولدادى. 2024 جىلى ارداگەرلەر 2 ملن تەڭگە كولەمىندە بىرجولعى كومەك الا الادى.
سونىمەن قاتار الماتى دارىگەرلەرى وتان قورعاۋشىلار كۇنى ايلىعى اياسىندا سوعىس ارداگەرلەرى ءۇشىن Check-up وتكىزەدى, ناۋقاندى وتكىزۋ ءۇشىن ءاربىر ەمحانا ارداگەرلەرگە بارۋ كەستەسىن ازىرلەدى.
