ءۇندىستان ەلشىسىن قابىلدادى

كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ءۇندىستاننىڭ قازاق­ستان­داعى توتەنشە جانە وكىلەتتى ەلشىسى حارش كۋمار دجايندى قابىلدادى, دەپ حابارلادى سەناتتىڭ ءباسپاسوز قىزمەتى. سەنات توراعاسى قازاق­ستان قازىر­گى الەمدەگى بەدەلدى مەم­­لەكەت بولىپ تابىلاتىن ۇندىستانمەن كوپ سالالى ىن­تى­­ماق­تاستىقتى دامىتۋعا زور ماڭىز بەرەتىنىن اتاپ ءوتتى. ءتورا­عا­نىڭ پىكىرىنشە, مۇنداي ىنتى­­ماق­تاستىقتىڭ الەۋ­ەتى زور, سوعان بايلانىستى ونى ءىس­كە اسى­رۋعا جۇمىلا كۇش سالۋ كەرەك. ق.توقاەۆ ەكى ەل اراسىنداعى پار­لامەنتتىك الماسۋلاردىڭ ماڭىز­دىلىعىنا توقتالدى. ءۇندىستان ەلشىسى ءوز ەلى قا­زاق­ستاننىڭ نەگىزگى حالىقارالىق باس­تامالارىن قولدايتىنىن, ءبىزدىڭ ەلىمىزبەن ىنتىماقتاستىقتى دامىتۋعا مۇددەلىلىك تانىتىپ وتىرعانىن مالىمدەدى جانە وسى ماقساتتا جوعارى دەڭگەيدەگى كەزدەسۋلەر ۇيىمداستىرۋ قاجەت دەپ سانايدى. سەنات توراعاسى قازاق­ستان­نىڭ ەكونوميكالىق دامۋىنىڭ لوكو­موتيۆىنە اينالاتىن ەلىمىز­دىڭ «نۇرلى جول» جاڭا ەكونو­ميكالىق ساياساتىن مەيمانعا تانىس­تىردى جانە ءۇندى كاسىپكەر­لەرىن ونى ىسكە اسىرۋعا بەلسەندى اتسالىسۋعا شاقىردى. الەمدىك جانە ءداستۇرلى ءدىن­دەر كوشباسشىلارى سەزى حات­شى­لىعىنىڭ باسشىسى رەتىندە ق.تو­قاەۆ سەزدى شاقىرۋ جونىندەگى قازاقستان باستامالارىن دامىتۋعا كوپتەگەن جىلدار بويى بەلسەندى قاتىسقانى ءۇشىن ءۇن­دىستان وكىلدەرىنە ريزاشىلىق ءبىل­دىردى. «بيىلعى ماۋسىم ايىندا استا­نادا V سەزد وتەدى, ول ءدىني كوش­باس­شىلار مەن ساياسي قايراتكەر­لەردىڭ بەيبىتشىلىك جانە دامۋ جولىنداعى ۇنقاتىسۋىنا ارنالادى. الداعى فورۋم جەر جۇزىندەگى ورنىقتى بەيبىتشىلىك پەن كەلىسىم جولىنداعى ءدىني كوشباسشىلار مەن ساياساتكەرلەردىڭ ءوزارا ءىس-قيمىلىنىڭ وڭتايلى ۇلگىسىن ىزدەستىرۋ جونىندەگى پىكىرسايىستار مەن جاڭا جاسامپازدىق يدەيا­لارىنىڭ مولدىعىمەن ەستە قالادى دەپ ويلايمىن», – دەدى سەنات توراعاسى.