ءماجىلىس بيۋروسى: كۇن ءتارتىبى قارالدى

كەشە پالاتا سپيكەرى قابيبوللا جاقىپوۆتىڭ توراعالىعىمەن ءما­جىلىس بيۋروسى ءوتىپ, جاڭا جىلداعى العاشقى جالپى وتىرىستىڭ كۇن ءتار­تىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى. دەپۋتاتتار تالقىسىنا بالا­لاردىڭ دەنساۋلىعى مەن دامۋىنا زيانىن تيگىزەتىن اقپاراتتان قورعاۋعا قاتىستى زاڭ جوباسى, «حالىق دەنساۋلىعى جانە دەن­ساۋلىق ساقتاۋ جۇيەسى تۋرالى» كودەكسكە وزگەرىستەر, سونداي-اق, زياتكەرلىك مەنشىك سالاسىن قۇقىقتىق رەتتەۋ ماسەلەلەرىنە بايلانىستى جاڭا ەنگىزىلىمدەر ەكىنشى وقىلىمدا ۇسىنىلماق. سونىمەن قاتار, وسى كۇنى حالىق قالاۋلىلارى بىرقاتار جاڭا زاڭ جوبالارىن جۇمىسقا قابىلدايدى. ولاردىڭ قاتارىندا قازاقستان مەن وزبەكستان ارا­سىن­داعى ادامداردىڭ رەادميسسياسى تۋرالى كەلىسىمدى, حالىقارالىق قايتا قۇرۋ جانە دامۋ بانكى اراسىنداعى «قازاقستاندا ەنەرگيا تيىمدىلىگىن ارتتىرۋ» جوباسى بويىن­شا گرانت تۋرالى كەلىسىمدى, ەۋ­رازيالىق ەكونوميكالىق كو­ميس­سيانىڭ باسەكەلەستىكتىڭ ءبىرىڭ­عاي قاعيدالارىنىڭ ساق­تالۋىن باقىلاۋ جونىندەگى وكى­لەت­تىكتەردى جۇزەگە اسىرۋى كەزىندە قۇپيا اقپاراتتى قورعاۋ ءتارتىبى جانە ونى جاريا ەتكەنى ءۇشىن جاۋاپتىلىق تۋرالى كەلىسىمدى راتيفيكاتسيالاۋعا, سونداي-اق, قىلمىستىق-اتقارۋ زاڭناماسىن  جەتىلدىرۋ ماسەلەلەرى بويىنشا زاڭنامالىق تۇزەتۋلەرگە قاتىستى قۇجاتتار بار.