فوتو: sechenovclinic.ru
ءوڭىردىڭ دەنساۋلىق ساقتاۋ باسقارماسى حابارلاعانداي, 16 ساۋىردە وبلىستىق بالالار كلينيكالىق اۋرۋحاناسىنا وق جاراقاتىن العان ناۋقاس جەتكىزىلگەن. ايتا كەتسەك, بالا 2011 جىلى تۋعان.
«تەكسەرۋ كەزىندە وڭ جاعىنداعى كەۋدە قۋىسىندا وق انىقتالدى. اتىس بولعان كەزدە بالا ءۇي جانىنداعى كول جاعاسىندا ويناپ جۇرگەن», دەلىنگەن ۆەدومستۆو حابارلاماسىندا.
ناۋقاس قابىلداۋ بولىمىنەن شۇعىل تۇردە وپەراتسيالىق بولىمگە اۋىستىرىلعان.
«وتا جاسالدى, توراكوسكوپيا, رەۆيزيا, كەۋدە قۋىسىن سانيتارلىق تازارتۋ, بوتەن دەنەنى (وق) الىپ تاستاۋ, درەناج سياقتى امالدار جاسادىق. وق وڭ جاقتاعى كەۋدە قۋىسى ارقىلى ءوتىپ, وكپەنىڭ تىندەرىن زاقىمداپ, يىق پىشاعىنىڭ تومەنگى ءپوليۋسىنىڭ پروەكتسياسىندا قابىرعا ارالىققا جابىسىپ قالعان. ناقتى جانە جەدەل ارەكەت ەتكەن دارىگەرلەردىڭ ارقاسىندا كىشكەنتاي بالانىڭ ءومىرىن ساقتاپ قالۋعا مۇمكىندىك تۋدى», دەپ حابارلادى وبلىستىق دەنساۋلىق ساقتاۋ باسقارماسى.
