قازاقستان رەسپۋبليكاسى ۇكىمەتىنىڭ قاۋلىسى  №1372 

2014 جىلعى 24 جەلتوقسان, استانا, ۇكىمەت ءۇيى سولتۇستىك قازاقستان وبلىسى ءبىلىم بەرۋ  ۇيىمدارىنىڭ اتاۋى مەن قايتا اتالۋى تۋرالى «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭى 10-بابىنىڭ 4-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. مىنا: 1) پەتروپاۆل قالاسىنىڭ № 20 قازاق ورتا مەكتەبىنە كورنەكى مەملەكەت جانە قوعام قايراتكەرى جۇمابەك تاشەنوۆتىڭ; 2) پەتروپاۆل قالاسىنىڭ قالالىق كلاسسيكالىق گيمنازياسىنا بەلگىلى جازۋشى, دراماتۋرگ سافۋان شايمەردەنوۆتىڭ ەسىمدەرى بەرىلسىن. 2. ەسىل اۋدانى نيكولاەۆكا اۋىلىنداعى نيكولاەۆكا ورتا مەكتەبى «1941 – 1945 جىلدارى ۇلى وتان سوعىسىنداعى ەرەن ەڭبەگى ءۇشىن» مەدالىنىڭ يەگەرى, قازاق كسر وقۋ ءىسىنىڭ ۇزدىگى اسقار يگىباەۆ اتىنداعى ورتا مەكتەپ دەپ قايتا اتالسىن. 3. سولتۇستىك قازاقستان وبلىسىنىڭ اكىمدىگى وسى قاۋلىدان تۋىندايتىن شارالاردى قابىلداسىن. 4. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.