فوتو: جوعارعى سوت
مەملەكەتتىك ايىپتاۋدى باس پروكۋروردىڭ ورىنباسارى ءا.ق.شىڭداليەۆ قولدادى.
وسى جىلى اقپان ايىندا توعاەۆ وزىنە قاتىستى سوت اكتىلەرىن قايتا قاراۋ, ءوزىنىڭ ءىس-ارەكەتتەرىن سارالاۋدىڭ دۇرىستىعىنا, سونداي-اق جازالاۋ شاراسىنا داۋ ايتىپ, ءوتىنىشحات بەرگەن.
قاراۋ ناتيجەسىندە جوعارعى سوتتىڭ سوت القاسى سوت اكتىلەرىن وزگەرىسسىز قالدىرۋ تۋرالى شەشىم شىعاردى, سوتتالعاننىڭ ءوتىنىشحاتى قاناعاتتاندىرىلعان جوق.
ءىس ماتەريالدارىنان انىقتالعانداي, 2014 جىلعى 25 ماۋسىمداعى سوت ۇكىمىمەن توعاەۆ توناۋ جانە بانديتيزممەن بايلانىستى كىسى ءولتىرۋ, شابۋىل جاسالعان ادامنىڭ ومىرىنە نەمەسە دەنساۋلىعىنا اۋىر زيان كەلتىرەتىن قاۋىپتى زورلىق-زومبىلىقپەن بايلانىستى توناۋ, سونداي-اق تۇراقتى قارۋلى توپ قۇرۋ كەزىندە, ۇيىمداسقان توپپەن, قارۋدى قولدانۋى, ۇيىمداسقان توپتىڭ تۇرعىن ءۇي-جايلارعا زاڭسىز كىرۋ ارقىلى اسا ءىرى كولەمدە قىلمىس جاساعانى ءۇشىن كىنالى دەپ تانىلدى.
توعاەۆ كاسىپكەرلىكپەن اينالىساتىن ازاماتتارعا قارۋلى شابۋىل جاساۋ ماقساتىندا قىلمىستىق توپ قۇرىپ, سىبايلاستارىمەن بىرگە ەرلى-زايىپتىلاردىڭ ۇيىنە باسىپ كىرگەنى انىقتالدى.
سوسىن سوتتالۋشىلار جابىرلەنۋشىنى ءولتىرىپ, ودان كەيىن ونىڭ ايەلىن بايلاپ, اۋىر دەنە جاراقاتىن كەلتىرىپ, ولاردان وزدەرىندە بار اقشا مەن باعالى زاتتاردى بەرۋدى تالاپ ەتكەن.
تالاپ ەتكەندەرىن العاننان كەيىن ولار قىلمىس ورنىنان بوي تاسالاعان.
توعاەۆتىڭ كىناسى سوتتالعانداردىڭ مويىنداۋلارىمەن, جابىرلەنۋشىنىڭ, كۋالاردىڭ ايعاقتارىمەن, سوت-مەديتسينالىق-بيولوگيالىق ساراپتامالاردىڭ قورىتىندىلارىمەن, وقيعا بولعان جەردى قاراۋ ناتيجەلەرىمەن, تاركىلەۋمەن ءىشىنارا دالەلدەندى.
ءومىر بويىنا باس بوستاندىعىنان ايىرۋ تۇرىندەگى تاعايىندالعان جازا جاسالعان ءىس-ارەكەتتەردىڭ قوعامعا قاۋىپتىلىگىن, ارەكەتىندە قىلمىستىڭ قاۋىپتى قايتالانۋىن قۇرايتىن بۇرىن سوتتالعان توعاەۆتىڭ جەكە باسىن جانە سوڭعىسىنىڭ اسا بەلسەندى قىلمىستى ءرولىن ەسكەرە وتىرىپ, زاڭدى, نەگىزدى جانە ءادىل بولىپ تابىلادى.
