فوتو: qaz365.kz
ءىس اقتوبەنىڭ №2 سوتىندا قارالدى. دەپۋتاتقا الاياقتىق, ياعني الداۋ جانە سەنىمگە قيانات جاساۋ ارقىلى بوتەننىڭ مۇلكىن ۇرلاۋ فاكتىسى بويىنشا بىرنەشە رەت اسا ءىرى مولشەردە قىلمىس جاسادى دەگەن ايىپ تاعىلعان.
2020 جىلى دەپۋتات نەسيە راسىمدەۋ كەزىندە انىق ەمەس اقپارات بەرىپ, 390 ملن تەڭگە نەسيە العان. ول العان اقشاسىن تۋىسقانىنا تاپسىردى, كەيىن دەپۋتاتتىڭ جەكە شوتىنا 290 ميلليون تەڭگە تۇسكەن.
«2021-2022 جىلدارى سۋبسيديا الۋعا جالعان ءوتىنىم بەرىپ, 67 ملن العان. بىراق ول ونى ءوز قاجەتتىلىكتەرىنە جۇمساعان», دەلىنگەن سوتتىڭ ءباسپاسوز قىزمەتى تاراتقان حابارلامادا.
سوت دەپۋتاتتى قازاقستان رەسپۋبليكاسى قىلمىستىق كودەكسىنىڭ 190-بابى 4-بولىگىنىڭ 2-تارماعى «الاياقتىق» بويىنشا كىنالى دەپ تانىدى. ول 6 جىلعا باس بوستاندىعىنان ايىرىلدى.
