فوتو: قر جۇمىرتقا وندىرۋشىلەر قاۋىمداستىعى
«اۋقىمدى اپاتتىڭ العاشقى كۇنىنەن باستاپ ءبىزدىڭ قاۋىمداستىق زارداپ شەككەن ازاماتتارعا قولداۋ كورسەتىپ كەلەدى. تۇرعىنداردىڭ قاجەتتىلىكتەرى ءۇشىن 1 ميلليوننان استام جۇمىرتقا مەن 1,1 توننادان استام قۇس ەتىن جىبەردىك. گۋمانيتارلىق كومەك جەرگىلىكتى پۋنكتتەرگە جەتكىزىلەدى», دەدى قاۋىمداستىق پرەزيدەنتى قايرات مايىشەۆ.
گۋمانيتارلىق كومەك باتىس قازاقستان, سولتۇستىك قازاقستان, اقتوبە, اتىراۋ, قوستاناي جانە ماڭعىستاۋ وبلىستارىنا جونەلتىلدى. سونداي-اق بىرلەستىك مۇشەلەرى وڭىرلەرگە ازىق-ت ۇلىك ونىمدەرىمەن قاتار تۇرمىستىق تاۋارلار, جۇك تەحنيكالارى مەن ءبىرىنشى قاجەتتىلىك تاۋارلارىن دا جونەلتەدى. ماسەلەن, قوستاناي وبلىسىنداعى «جاس قانات 2006» سەرىكتەستىگى ەلەكتر گەنەراتورلارىن, ەتىك, توسەك-ورىن مەن شاتىرلاردى جونەلتتى.
«قازگەر قۇس», «اقكول قۇس», «پتف ەسيلسكايا» جانە «ورال قۇس فابريكاسى» سەرىكتەستىكتەرى اۋىر تەحنيكا – كاماز, جۇك تيەگىش, تراكتورلار ءبولدى.
ال سولتۇستىك قازاقستان وبلىسىنىڭ كاسىپورىندارى – «ياكورسك قۇس فابريكاسى» جانە «ادەل قۇس» تاسقىن سۋ سالدارىن جويۋعا جۇمىلدىرىلعان اسكەريلەرگە اس ۇيىمداستىرسا, «الەكري» سەرىكتەستىگى زارداپ شەككەندەردى كاسىپورىننىڭ جاتاقحاناسىنا ورنالاستىردى.
«سۋ تاسقىنى جاعدايى تۇراقتالعانشا, ءبىز جۇمىسىمىزدى توقتاتپايمىز, بارلىق قۇس ءوسىرۋشى كومپانيالاردى سۋ تاسقىنىنان زارداپ شەككەن ايماقتاردىڭ تۇرعىندارىنا كومەكتەسۋگە شاقىرامىز», دەپ قوستى قايرات مايىشەۆ.
قىرمىزى جۇماعاليقىزى,
ەۇۋ ستۋدەنتى
