ەلىم – سەندەر!

«ەر ەتىگىمەن سۋ كەشكەن» بۇل كۇندە قۇتقارۋشىلار مەن سۋ رەسۋرس­تارى جانە يرريگاتسيا مينيسترلىگى وكىلدەرى, كولىك مينيسترلىگى وكىلدەرى, جەرگىلىكتى اكىمدەر جانىندا ەڭبەككە قۇلشىنعان ەرىكتى جاستار, اسكەريلەر, ەلدى مەكەندەردى ۇرى-قارىدان قور­عا­عان پوليتسيالار, حالىققا دەم بەرۋشى پارلامەنت دەپۋتاتتارى ت.ب. ءجۇر. اۋىزبىرلىككە سۇيسىندىك, قۋاندىق!

سۋدا قالعان وتانداستارىمىزعا ەلدىڭ تۇكپىر-تۇكپىرىنەن جىبەرىلىپ جاتقان گۋمانيتارلىق كومەكتەردى, اسىرەسە «...وسىدان باسقا ەشتەڭەم بولماي تۇر» دەپ ۇيىندە تۇرعان ءبىر كيلوگرامم كۇرىشىنە دەيىن اكەلگەن اجەيدىڭ...» («مىڭ بولعىر ءماريا», «Egemen Qazaqstan», 19.04.2024.) كورىپ-ءبىلىپ, قارتايعاندا ەرىك بەرمەيتىن, بوركەمىك كوڭىل, ىشكى قۋانىشتى جاناردا كىلكىتىپ قانا قويماي, قولعا قالام دا الدىردى.

اينالايىن, بارىڭنەن, اينالايىن!

اينالايىن, قازاعىم, ايماق-ايىم!

ەل باسىنا وسىنداي كۇن تۋعاندا,

قارتتاردى قويار ما ەكەن, جايعا ۋايىم.

مۇندايدا كەتە الماسسىڭ ەلدەن ەرەك,

سىن ساعاتتى كارى-جاس ءبارى كورەت.

قولدا بارىن بەرىپ تۇر كارى اجەي دە,

تار وتكەلدە ارقانعا ءجىپ تە كومەك.

بىرلىگىڭدى, پەيىلىڭدى كوردىم, ەلىم,

جيناعان ءبىر كىندىككە ەتەك-جەڭىن.

باياندى بولاشاققا كوزىم جەتتى,

وتارعا اينالماسقا ارتتى سەنىم.

ءبىر بولىڭدار, ارقاشان بولىنبەڭدەر,

ول-بۇل دەپ,ء بىر-بىرىڭنەن جەرىنبەڭدەر.

قازاق ەلى – قازاققا جالعىز وتان,

ال مەنىڭ «ەل!» دەپ جۇرگەن ەلىم – سەندەر!

ءبىر بولىڭدار, بىرىگىڭدەر, ەلىم! دانالارىمىز «كۇش – بىرلىكتە!» دەگەن. پرەزيدەنتىمىز ەكى ءسوزىنىڭ بىرىندە, سونداي-اق وسى بيىل قاڭتار ايىندا باس گازەتىمىز «Egemen Qazaqstan»-عا بەرگەن سۇحباتىندا دا, ءتىپتى تۇتقيىلدان سۋ كەلگەن 28 ناۋرىزدان بەرگى جەردە دە ەلدى تەك بىرلىككە شاقىرىپ وتىر.

ءدىني قۇندىلىقتارىمىزدا, قا­سيەتتى قۇران كارىمدە باسشىنى سىي­لاۋدى تاپسىرعان. ال مۇنداي تاپسىرمانى ورىنداعان ەلدى اللا جاقسى كورەدى. سول ءۇشىن پرەزيدەنت توڭىرەگىنە بىرىگۋ شارت.

باسىنان تالاي الماعايىپ زاماندى وتكەرگەن حالىق «جۇت جەتى اعايىندى» دەپ ايتىپ كەتكەن. سول جەتى اعايىندىنىڭ ءبىرى, ەڭ جامانى – الاۋىزدىق. قۇراندا قاشاندا تۇزەۋشىدەن بۇزۋشى كوپ بولاتىنىن ەسكەرتكەن. ءبىزدىڭ ارامىزدا دا تۇزەۋشىدەن بۇزۋشى كوبى – قىزىل بۇرىشتىڭ اششىلىعىنداي شىندىق.

«قازاقستان» تەلەارناسىنداعى «اشىق الاڭدا» پارلامەنت ءماجى­لىسىنىڭ دەپۋتاتى سۋ باسقان جەرگە ءبىر بۇزىقتار بارىپ, ەرىكتىلەرگە: «مۇندا نەعىپ جۇرسىڭدەر؟ مۇنى ۇكىمەت ىستەۋى كەرەك! سەندەردىكى نە؟..», دەپ ايتىپ جۇرگەنىن دايەكتەدى. بۇلار – ەلبۇزارلار. ونداي قارا نيەتتى بۇزىقتارعا قۇلاق سالۋدىڭ ءوزى ۇيات. ولار قاشاندا ازعىرۋشى, ەلدىڭ كوزىنە وزدەرىن وتانشىل, جاناشىر كورسەتىپ, يگىلەردى ىزگىلىكتەن قايتارىپ, بىرلىكتى ىرىتەدى دە, ەل باسىنا كۇن تۋعاندا جەردىڭ «استىنا كىرىپ» كەتەدى دە, جوعالادى.

سوندىقتان ونداي پىسىقتاردان اۋلاق ءجۇرىپ, پرەزيدەنت ۇندەۋىنە بىرىگەيىك. سوندا ارقانداي سالماقتى دا, سىناقتى دا جەڭەمىز. ەلدىگىمىزدى ساقتاپ قالامىز جانە ۇلتتىعىمىزدى دالەلدەيمىز.

نارباي تاعاي ۇلى,

قارت جۋرناليست

قاراعاندى وبلىسى,

ساران قالاسى