قازاقستان شاحمات فەدەراتسياسىنىڭ مالىمەتىنشە, 26-28 ءساۋىر ارالىعىندا ادرياتيكا تەڭىزىنىڭ جاعاسىندا ورنالاسقان البانيانىڭ دۋررەس قالاسىندا كادەتتەر اراسىنداعى جىلدام شاحماتتان (راپيد جانە بليتس) الەم چەمپيوناتى ءوتتى. 40-قا جۋىق ەلدەن كەلگەن جاس شاحماتشىلار ءۇش جاس ساناتىندا باق سىناستى.
- ءبىزدىڭ جاس شاحماتشىلارىمىز ەڭ جوعارى دەڭگەيدەگى جارقىن جەڭىستەرمەن قۋانتۋدى جالعاستىرۋدا. راپيد پەن بليتستەن الەم بىرىنشىلىگىندە ءبىر التىندى قوسا العاندا, التى مەدال جەڭىپ الدى. بۇل - ەڭ الدىمەن جاتتىقتىرۋشىلار شتابى, اتا-انالار مەن سپورتشىلاردىڭ وزدەرى جاساعان ۇلكەن جۇمىستىڭ ناتيجەسى. بالالار بۇكىل قازاقستاننىڭ ماقتانىشى عانا ەمەس, سونىمەن قاتار شاحماتپەن اينالىسا باستاعان جۇزدەگەن جانە مىڭداعان قۇرداستارى ءۇشىن ۇلگى, – دەپ اتاپ ءوتتى قازاقستان شاحمات فەدەراتسياسىنىڭ پرەزيدەنتى تيمۋر تۇرلوۆ.
جارىستا قازاقستاننىڭ اتىنان 22 جاس سپورتشى باق سىنادى. التىن مەدالدى راپيدتە سەگىز جاسقا دەيىن باق سىناعان اليشا بيساليەۆا يەلەندى.
