سوتتا تەمىرجول كۇزەتىنىڭ باس ديرەكتورى ءوزىنىڭ ورىنباسارى جانە باس مەنەدجەرىمەن بىرگە بەينەباقىلاۋ جۇيەسىنە ارنالعان جابدىقتاردى ساتىپ الۋعا ارنالعان 159 ملن تەڭگەدەن استام قاراجاتتى بيۋدجەتتەن جىمقىرعانى بەلگىلى بولدى.
سونىمەن قاتار باس ديرەكتور ءوز وكىلەتتىگىن اسىرا پايدالانىپ, مەنەدجەردى كومپانيانىڭ قۇرىلىمدىق بولىمشەسىنە جۇرگىزۋشى رەتىندە جۇمىسقا ورنالاستىرعان. وسىلايشا وعان جشس-عا 1,5 ميلليون تەڭگەدەن استام جالاقى تاعايىنداتۋ ارقىلى ءوزىنىڭ جەكە ماقساتتارى ءۇشىن پايدالانعان.
باس ديرەكتور مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويىنا, سەگىز جىلعا باس بوستاندىعىنان ايىرىلدى.
باسقا سوتتالۋشىلار جەتى جىلعا باس بوستاندىقتارىنان شەكتەلدى.
جابىرلەنۋشى تاراپتىڭ ازاماتتىق تالابى كىنالى ادامداردان بىرلەسكەن تارتىپپەن ءوندىرىپ الا وتىرىپ, كەلتىرىلگەن زالال سوماسى شەگىندە قاناعاتتاندىرىلدى.
ۇكىم زاڭدى كۇشىنە ەنگەن جوق.
