فوتو: ۆيدەوسكرين. ۆەدومستۆو
سۋ تاسقىنى كەزىندە «قازسۋشار» مەكەمەسىنىڭ سولتۇستىك قازاقستان فيليالىنىڭ ماماندارى سەرگەەۆ سۋ تورابىنىڭ جاعالاۋىن نىعايتۋ جۇمىسىن جۇرگىزدى. 82 توننادان استام كەسەك تاس, 15 تەمىربەتون پليتا, 25 تەمىربەتون بلوكتارى جانە باسقا ماتەريالدار توسەلدى.
كازتالوۆ اۋدانىندا كوكتەمگى تاسقىن سۋىن اپاتسىز وتكىزۋ ءۇشىن «قازسۋشاردىڭ» باتىس قازاقستان فيليالى ۇلكەن وزەن وزەنىندەگى ۋاقىتشا جەر بوگەتتەرىن اشتى. ناتيجەسىندە سۋ ليماندار مەن تابيعي شابىندىقتارعا جىبەرىلىپ, ەلدى مەكەندەردى سۋ باسۋ قاۋپى ازايدى. سونىمەن قاتار سۋ تاسقىنىنىڭ ەكىنشى تولقىنى كەزىندە ورال-كوشىم سۋارۋ-سۋلاندىرۋ جۇيەسىنىڭ 4 سۋ قويماسىنا سۋ جينالىپ جاتىر. قازىر ولاردا 200 ميلليون تەكشە مەتردەن استام سۋ جينالدى, بۇل جالپى كولەمنىڭ 84% قۇرايدى. «قازسۋشار» ماماندارى رەسەي فەدەراتسياسىنىڭ ورىنبور جانە ساراتوۆ وبلىستارىنىڭ سۋ قىزمەتتەرىمەن ۇنەمى اقپارات الماسادى.
اباي وبلىسىنىڭ ءۇرجار اۋدانىندا قاراكول سۋ قويماسىنىڭ قۇرىلىستارى جانە كوكپەكتى اۋدانىندا ۇلكەن بوكەن وزەنىندەگى سۋ تورابى تازارتىلدى.
شىعىس قازاقستان فيليالى كۇرشىم اۋدانىنداعى «جاۋعاشتى» ماگيسترالدىق كانالىنىڭ باس قۇرىلىسىن تازارتتى. مارقاكول اۋدانىنىڭ ورتا-تەرەكتى سۋ قويماسىندا ينەرتتى ماتەريالدار دايىندالدى.
«قازسۋشار» مەكەمەسىنىڭ د.قوناەۆ اتىنداعى ۇلكەن الماتى كانالى فيليالى قاراتۇرىق سۋارۋ الابىنىڭ شارۋاشىلىق جەلىسىن مەحانيكالىق ادىسپەن تازارتتى. سونداي-اق «وبەدينيتەلنىي» ماگيسترالدىق كانالىنىڭ ءتۇبىن بەتونداۋ جۇمىسى ءجۇرىپ جاتىر.
ۇلكەن الماتى كانالىنىڭ اۆاريالىق ۋچاسكەلەرىن رەكونسترۋكتسيالاۋ جۇرگىزىلىپ جاتىر. سۋارۋ ماۋسىمىنا تولىق دايىندىقتى قامتاماسىز ەتۋ ءۇشىن جۇمىس ەكى اۋىسىمدا اتقارىلىپ جاتىر. بۇدان باسقا, الماتى وبلىسىنىڭ ىلە جانە جامبىل اۋداندارى شارۋالارىن سۋمەن قامتاماسىز ەتەتىن سول جاعالاۋداعى ماگيسترالدىق كانالدى بەتونداۋ جانە مەحانيكالىق تازارتۋ جۇمىسى جۇرگىزىلىپ جاتىر.
ەرىگەن قار جانە جاڭبىر سۋىن كەدەرگىسىز وتكىزۋ ءۇشىن الماتى وبلىسى بويىنشا فيليال قۇرتتى جانە شەلەك وزەندەرى ارنالارىن تازارتادى.
«قازسۋشار» مەكەمەسىنىڭ اقمولا فيليالى ماماندارى «الۆا» ليماندى سۋارۋ جۇيەسىنىڭ بوگەتىنە ينەرتتى ماتەريالدار توسەدى. وسىلايشا, بوگەتتىڭ بۇزىلۋ قاۋپى ازايدى.
سۋارۋ كەزەڭىنە دايىندىق ءۇشىن جامبىل وبلىسى بويىنشا «قازسۋشار» فيليالى جالپى ۇزىندىعى 48 شاقىرىم بولاتىن 6 كانالدا مەحانيكالىق تازالاۋ جانە جوندەۋ جۇمىستارىن جۇرگىزدى.
سونداي-اق سازا كانالىنىڭ جاعالاۋىن نىعايتۋ جۇمىستارى اتقارىلدى.
قورداي اۋدانىندا گەورگيەۆسكي ماگيسترالدىق كانالى تازارتىلدى. مەركى اۋدانىندا 11 سۋ بەكەتى جوندەلىپ جاتىر, ودان كەيىن تاعى 20 سۋ بەكەتى جوندەلەدى. سونداي-اق R-3 ارناسىن سۋارۋ ماۋسىمىنا دايىنداۋ جۇمىسى ءجۇرىپ جاتىر.
«قازسۋشاردىڭ» قىزىلوردا فيليالى جالپى ۇزىندىعى 51,4 شاقىرىم 11 ارنانى مەحانيكالىق ادىسپەن تازالاپ, سونداي-اق 19 گيدروتەحنيكالىق قۇرىلىستى جانە 23 گيدروپوستتى جوندەۋدەن وتكىزدى. قازىرگى ۋاقىتتا 32,7 شاقىرىم كانال تازارتىلىپ, 9 گيدروتەحنيكالىق قۇرىلىم جوندەلدى. 20 گيدروپوستتاعى كوپىرلەر قايتا جاڭارتىلىپ جاتىر.
جەتىسۋ وبلىسى بويىنشا «قازسۋشار» فيليالى بيىل 173,1 شاقىرىم كانالدى تازارتۋدى, 54 گيدروتەحنيكالىق قۇرىلىستى جانە 10 گيدروپوستتى جوندەۋدەن وتكىزۋدى جوسپارلاپ وتىر. بۇگىنگى تاڭدا 40 شاقىرىم كانال تازارتىلدى, 1 گيدروتەحنيكالىق قۇرىلىس سالىندى, ء4–ى جوندەلدى. 1060 شارۋا قوجالىعىمەن سۋ بەرۋ تۋرالى شارتتارعا قول قويىلدى. فەرمەرلەر 20 مىڭ گەكتارعا جۋىق القاپتى سۋارۋ ءۇشىن 174 ميلليون تەكشە مەتر سۋ الادى.
سۋارۋ كەزەڭىنە دايىندىق ءۇشىن «قازسۋشار» مەكەمەسىنىڭ تۇركىستان وبلىسى بويىنشا فيليالى 33 كانالدى مەحانيكالىق ادىسپەن تازالاۋ جۇمىسىن جۇرگىزدى. سۋ قويمالارىنىڭ تاسقىن سۋىن قابىلداۋعا دايىندىعىن باعالاۋ ءۇشىن ولاردىڭ تەحنيكالىق جاعدايىنا تەكسەرىس جۇرگىزىلدى. سونداي-اق تەحنيكا دا تەكسەرىلىپ, قاجەتتى ينەرتتى ماتەريالدار دايىندالدى.
«قازسۋشاردىڭ» قاراعاندى فيليالى جارتاس سۋ قويماسىنداعى جارتاس جانە مالوكومسپاي ماگيسترالدىق كانالدارى ۋچاسكەلەرىنىڭ بەتون بەتكەيلەرى مەن تۇبىنە جوندەۋ جۇمىسىن جۇرگىزەدى. ارنالاردى لاي مەن وسىمدىكتەردەن تازارتۋ دا باستالدى. 5 گيدروتەحنيكالىق قۇرىلىستا جەرگىلىكتى دابىل جۇيەلەرى ورناتىلىپ جاتىر.
