فوتو: سپورتتى دامىتۋ ديرەكتسياسى
بۇعان دەيىن ەلىمىزدىڭ ەنشىسىندە پاريج وليمپياداسىنا قاتىسۋ مۇمكىندىگى بەرىلەتىن 46 جولداما بار ەدى.
47 جولدامانى بىرىككەن اراب امىرلىكتەرىنىڭ فۋدجەيرا قالاسىندا ءوتىپ جاتقان سابليامەن سەمسەرلەسۋدەن ايكەرىم سارىباي قورجىنعا سالدى.
ول فينالدا گونكونگتىق سپورتشىنى 15:13 ەسەبىمەن جەڭدى. ناتيجەسىندە, ول 2024 جىلعى وليمپيادا ويىندارىنا ىرىكتەۋدەن ءوتتى.
ايتا كەتەيىك, اتالعان سىندا تەك جەڭىسكە جەتكەن سپورتشىلار عانا وليمپيادالىق كۆوتا يەگەرى اتانادى.
بۇعان دەيىن شپاگامەن سەمسەرلەسۋدەن قازاقستان ەرلەر كومانداسى پاريج وليمپياداسىنا جولداما جەڭىپ العان بولاتىن.
ال 48 ليتسەنزيا ستەند اتۋدان بۇيىردى.
ەدۋارد ەششەنكو دوحادا (كاتار) وتكەن ىرىكتەۋ تۋرنيرىندە ءساتتى ونەر كورسەتتى. ول «سكيت» باعدارلاماسى بويىنشا ىرىكتەۋدەن ءوتىپ, فينالعا جولداما الدى.
ال شەشۋشى راۋندتا ءۇشىنشى ورىننان كورىنىپ, وليمپيادا ويىندارىنا ىرىكتەۋدەن ءوتتى.
بۇعان دەيىن «تراپ» باعدارلاماسى بويىنشا ماريا دميتريەنكو وليمپيادا جولداماسىن يەلەنگەن ەدى.
