فوتو: sports.kz
جارىستى ەكىنشى اينالىمنان باستاعان قازاقستاندىق تەننيسشى العاشقى ماتچىن دۇنيەجۇزىلىك رەيتينگىدە 46-ورىندا تۇرعان يتاليالىق ليۋچيا برونتسەتتيمەن وتكىزدى.
بۇل قوس تەننيسشىنىڭ ءوزارا ءبىرىنشى كەزدەسۋى ەدى.
باستاپقى پارتيادا ەلەنا 2:0 ەسەبىمەن العا شىققانىمەن, ليۋچيا تارازى باسىن تەڭەستىردى. دەگەنمەن رىباكينا برەيكپەن ءتامامدادى – 6:4.
ەكىنشى سەتتى برونتسەتتي برەيكپەن باستاعانىمەن, رىباكينا ويىن تىزگىنىن قايتا قولعا الدى – 4:1. سودان كەيىن قاتارىنان ءۇش ەيس جاساپ, ءبىرىنشى ماتچبولىن ءساتتى پايدالاندى – 6:3.
ەلەنا رىباكينا ءتورتىنشى اينالىمعا شىعۋ ءۇشىن الەمنىڭ 21-راكەتكاسى, ۋكراينالىق مارتا كوستيۋك نەمەسە رەيتينگىدە 72-ساتىداعى مىسىرلىق مايار شەريفتىڭ قاي جەڭگەنىمەن شەبەرلىك تالاستىرادى.
رىباكينا وتكەن اپتادا شتۋتگارت WTA 500 تۋرنيرىندە چەمپيون اتانعان بولاتىن.
