«مەملەكەتتىڭ حالىق الدىنداعى الەۋمەتتىك مىندەتتەرى تولىق ءارى ۋاقتىلى ورىندالىپ جاتىر. زارداپ شەككەن ايماقتاردىڭ تۇرعىندارىنا الەۋمەتتىك تولەمدەر بەكىتىلگەن مەرزىمنەن بۇرىن بەرىلۋدە. مۇنداي رەجىم بيىلعى 1 قىركۇيەككە دەيىن ساقتالاتىن بولادى. ودان بولەك, مۇگەدەكتىگى بار ازاماتتاردى قايتا كۋالاندىرۋ مەن ءبىرىنشى توقساندا اتاۋلى الەۋمەتتىك كومەكتى الىپ جۇرگەندەر ءۇشىن قايتا تاعايىنداۋ مەرزىمدەرى 1 شىلدەگە دەيىن اۆتوماتتى تۇردە ۇزارتىلدى», دەپ اتاپ ءوتتى ت.دۇيسەنوۆا.
ۆيتسە-پرەمەر تاسقىننان زارداپ شەككەن ازاماتتاردىڭ تۇرعىن ءۇي ماسەلەسىن شەشۋ تۋرالى دا ايتتى. سۋ تاسقىنى سالدارىنان ۇيلەرى نەمەسە ساياجايلارى (جالعىز تۇرعىن ءۇيى) قالپىنا كەلتىرۋ مۇمكىن بولماي قالعان ازاماتتار ءۇشىن ماسەلەنى شەشۋدىڭ ەكى جولى ۇسىنىلعان. ول – جاڭا ءۇي سالۋ نەمەسە ونەركاسىپ جانە قۇرىلىس مينيسترلىگى بەكىتكەن شەكتى سوما اياسىندا ازاماتتاردىڭ تاڭداۋىنا ساي ەكىنشى نارىقتان دايىن باسپانا ساتىپ الۋ.
«تاسقىن سۋدان زارداپ شەككەندەردىڭ بارلىعىنا 100 ايلىق ەسەپتىك كورسەتكىش كولەمىندە بىرجولعى تولەم قاراستىرىلعان. بۇگىندە ول 11 مىڭنان اسا وتباسىعا تولەنگەن. ۇكىمەت ازاماتتارعا ب ۇلىنگەن ءۇي زاتتارىن الۋ ءۇشىن قوسىمشا 150 اەك-كە دەيىنگى مولشەردە كومەك كورسەتۋ تۋرالى شەشىم قابىلدادى», دەپ اتاپ ءوتتى ت.دۇيسەنوۆا.
ايتا كەتەيىك, بۇل قوسىمشا كومەك ب ۇلىنگەن ءۇي زاتتارىن (توڭازىتقىش, اس ءۇي پليتاسى, ۇستەل, ورىندىق, كەرەۋەت, كىر جۋعىش ماشينا, تەلەديدار نەمەسە راديو, سۋمەن جابدىقتاۋ جانە جىلىتۋ قۇرالدارى) ساتىپ الۋدى قارجىلاندىرۋ نەمەسە شۇعىل قاجەتتىلىگى بار تاۋارلاردى ۇسىنۋ تۇرىندە كورسەتىلەدى.
ودان بولەك, وتەلمەگەن نەسيەسى بار ازاماتتارعا بانكتەر مەن ميكروقارجى ۇيىمدارى 1 ساۋىردەن باستاپ 30 ماۋسىمعا دەيىنگى ارالىقتا بەرەشەكتى وتەۋ مەرزىمىن ۇزارتۋدى قاراستىرۋدا. اتالعان كەزەڭدە زارداپ شەككەندەرگە ايىپپۇلدار مەن ءوسىمپۇلدار ەسەپتەلمەيدى. مۇنداي شارا جەكە كاسىپكەرلەر, شاعىن جانە ورتا بيزنەس وكىلدەرىنە دە ۇسىنىلادى. ايماق اكىمدىكتەرى 5 مىڭنان اسا ازاماتتىڭ جانە 110-نان اسا بيزنەس سۋبەكتىلەرىنىڭ ءتىزىمىن جاساعان.
سونىمەن قاتار ەۆاكۋاتسيالىق ورتالىقتاردا بولعان 4 مىڭنان اسا بالا ساۋىقتىرۋ لاگەرلەرىنە, كوللەدجدەر مەن جوعارى وقۋ ورىندارىنىڭ جاتاقحانالارىنا, نازارباەۆ زياتكەرلىك مەكتەپتەرى, ءبىلىم يننوۆاتسيا ليتسەيلەرىنىڭ ينتەرناتتارىنا ورنالاستىرىلدى. وندا تۇرۋعا, تاماقتانۋعا جانە وقۋعا قاجەتتى جاعداي جاسالعان. ولار مۇندا ۇيلەرى قالپىنا كەلتىرىلىپ, مەكتەپتەرىندە وقۋ ۇدەرىسى قايتا جالعاسقانعا دەيىن بولادى.
«بۇگىندە 500-دەن اسا بالا ءالى دە ەۆاكۋاتسيالىق ورتالىقتاردا قالىپ وتىر. ولار دا ءبىلىم بەرۋ ۇردىسىمەن قامتىلعان. ولاردىڭ اتا-انالارى تاسقىن سۋدىڭ كەتىپ, ۇيلەرىنە ورالعانىن نەمەسە باسپانالارىن قالپىنا كەلتىرۋ ءۇشىن باعالاۋ جۇرگىزىلۋىن كۇتىپ جۇرگەنىن تۇسىنەمىن. بۇل ساناتتاعى بالالاردىڭ اتا-انالارىنا بىزدە بالالاردى ورنالاستىرۋعا قاراستىرىلعان تاعى 4 مىڭنان اسا ورىن بار ەكەنىن ايتقىم كەلەدى. ەگەر كەلىسىمىن بەرسە, ولاردى سول جەرلەرگە ورنالاستىرۋعا دايىنبىز. وقۋ ماۋسىمى اياقتالعان سوڭ اتا-انالاردىڭ كەلىسىمىمەن بالالارعا ءوزى تۇرىپ جاتقان ايماقتا, نە باسقا وڭىرلەردە ورنالاسقان جازعى دەمالىس لاگەرلەرىنە بارۋىنا مۇمكىندىك بەرىلەدى. بۇل ماسەلەمەن وقۋ-اعارتۋ, جوعارى ءبىلىم, تۋريزم جانە سپورت مينيسترلەرى تىكەلەي اينالىسۋدا», دەپ اتاپ ءوتتى پرەمەر-ءمينيستردىڭ ورىنباسارى.
تامارا دۇيسەنوۆا سونداي-اق زارداپ شەككەن 6 ايماقتاعى تۇلەكتەر ءۇشىن ۇلتتىق بىرىڭعاي تەست بولەك كەستەمەن وتكىزىلەتىنىن جەتكىزدى. تالاپكەرلەر تومەن بالل العان جاعدايدا بيىلعى جاعدايعا بايلانىستى قاڭتار مەن ناۋرىز ايلارىنداعى ۇبت-داعى ۇزدىك ناتيجە ەسكەرىلەتىن بولادى. ودان بولەك, قازىر قوسىمشا نىسانالى گرانتتار ءبولۋ جاعى قاراستىرىلىپ جاتىر.
ۆيتسە-پرەمەر بارلىق مەديتسينالىق مەكەمە كۇشەيتىلگەن رەجىمدە جۇمىس ىستەپ جاتقانىن دا اتاپ ءوتتى. قازىر قاجەتتى ءدارى-دارمەك قورى ازىرلەنگەن. ەپيدەميالىق بريگادالار قۇرىلىپ, جاپا شەككەن ايماقتارداعى اۋىز سۋ ساپاسى مەن ەرەكشە قورعالاتىن اۋماقتار تۇراقتى باقىلاۋعا الىنعان. بۇگىندە ەپيدەميالىق جاعداي تۇراقتى دەپ باعالانۋدا.
