«تەكسەرۋ قورىتىندىسى بويىنشا, ۆيدەودا بەينەلەنگەن پروكۋرورلار ءتۇرلى تارتىپتىك جاۋاپكەرشىلىككە تارتىلدى», دەپ جاۋاپ بەردى باس پروكۋراتۋرا Tengrinews.kz رەداكتسياسىنىڭ رەسمي ساۋالىنا.
ايتا كەتەيىك, بۇعان دەيىن الەۋمەتتىك جەلى قولدانۋشىلارى قاشىپ بارا جاتقان پروكۋروردى ۆيدەوعا تۇسىرگەن بلوگەردى دە جاۋاپقا تارتۋعا شاقىرعان ەدى.
«الماتى وبلىسىنىڭ پروكۋراتۋراسى ۆيدەونى تۇسىرگەن بلوگەردىڭ جاۋاپكەرشىلىگى تۋرالى ماسەلە كوتەرگەن جوق, الايدا ۆيدەودا كورسەتىلگەن قىزمەتكەرلەر جەكە قۇقىقتارىن قورعاۋ ءۇشىن سوتقا ءوز بەتىنشە جۇگىنۋگە قۇقىلى», دەپ قوستى باس پروكۋراتۋرانىڭ كادر قىزمەتى دەپارتامەنتى.
بۇعان دەيىن الەۋمەتتىك جەلىدە قاشىپ جۇرگەن پروكۋروردىڭ ۆيدەوسى تاراپ كەتكەن ەدى. بەلگىلى بولعانداي, ۆيدەو قوناەۆ قالاسىندا تۇسىرىلگەن. باستاپقىدا ۆيدەو اۆتورىنا پروكۋراتۋرانىڭ ەكى قىزمەتكەرىنىڭ تەمەكى شەگىپ, كۇلدى جەرگە سىلكىپ تاستاعانى ۇناماعان. ارتىنشا قىزمەتكەرلەردىڭ ءبىرى عيماراتقا كىرىپ, ەكىنشىسى قاشا باستاعان.
