سەسسيا الدىندا پرەزيدەنت اسسامبلەيا توراعاسىنىڭ جاڭادان تاعايىندالعان ورىنباسارلارى يۋري شين مەن لۋگمار بۋلاروۆتى قۇتتىقتاپ, ولاردىڭ بىرلىكتى نىعايتۋ, قوعامدىق كەلىسىمدى ساقتاۋ ىسىندەگى جاۋاپتى قىزمەتىنە تابىس تىلەگەن بولاتىن.
قحا توراعاسىنىڭ ورىنباسارى – حاتشىلىق مەڭگەرۋشىسى مارات ءازىلحانوۆ قاسىم-جومارت توقاەۆقا بۇعان دەيىن بەرىلگەن تاپسىرمالاردىڭ ورىندالۋى جانە اسسامبلەيانىڭ ءXXXIIى سەسسياسىنا دايىندىق بارىسى جونىندە ەسەپ بەردى.
«بىرلىك. جاسامپازدىق. ورلەۋ» اتتى ءحححىىى سەسسيادا مەملەكەت باسشىسى ەلدەگى بىرقاتار ماڭىزدى ماسەلەنى كوتەردى. «بارشاڭىز كۋا بولىپ وتىرسىزدار, قازىر الەمدە ءتۇرلى تابيعات اپاتى كوبەيىپ بارادى. قازاقستان دا ۇلكەن قاتەرگە تاپ بولدى. ەلىمىزدىڭ كوپتەگەن ايماعىندا الاپات سۋ تاسقىنى بولىپ جاتىر. ءبىز ءۇشىن ەڭ باستى ماقسات – ازاماتتاردىڭ اماندىعى. تاسقىن باستالعاننان بەرى قازاقستان حالقى اسسامبلەياسى بەلسەندى ءارى ۇيلەسىمدى جۇمىس ىستەپ جاتىر. وعان بۇكىل ەل كۋا. جۇرتقا جان-جاقتى كومەك بەرۋ ءۇشىن دەرەۋ اسسامبلەيانىڭ رەسپۋبليكالىق جانە ايماقتىق شتابتارى قۇرىلدى. «جۇرەكتەن – جۇرەككە» دەگەن اۋقىمدى اكتسيا جۇرگىزىلىپ جاتىر. اپات ايماقتارىنا 1 500 توننادان استام ازىق-ت ۇلىك جانە ەڭ قاجەتتى تاۋارلار جولداندى», دەدى پرەزيدەنت.
مەملەكەت باسشىسى تابيعي اپاتتان زارداپ شەككەن ازاماتتارعا كومەك كورسەتۋگە قازاقستان حالقى اسسامبلەياسى زور ۇلەس قوسقانىن ايتتى. بۇكىلقازاقستاندىق بىرلىكتىڭ بىرەگەي مودەلىن قالىپتاستىرۋدا اسسامبلەيا ماڭىزدى ءرول اتقارادى. الەمدىك جاھاندانۋدىڭ دامۋ ۇدەرىستەرى قارقىندى جۇرگەن شاقتا الەمدە ءتۇرلى گەوساياسي ويىن بەلەڭ الىپ, جەر شارىنىڭ تۇكپىر-تۇكپىرىندە سوعىس ءورتى تۇتانىپ, ادامزات بالاسىن الاڭداتاتىن جاعدايعا جەتتى.
پرەزيدەنت بىلتىرعى 27 ساۋىردە قازاقستان حالقى اسسامبلەياسىنىڭ XXXII سەسسياسىنىڭ وتىرىسىندا ۇلتتىق بىرلىك پەن قوعامدىق كەلىسىمدى نىعايتۋ ماسەلەلەرى بويىنشا پارلامەنتكە دەپۋتاتتىق بىرلەستىك قۇرۋدى تاپسىرعان ەدى. وسىعان وراي پارلامەنت دەپۋتاتتارى ء«بىر ەل – ءبىر مۇددە» دەپۋتاتتىق توبىن قۇرۋعا باستاماشى بولىپ, سەنات بيۋروسى 2023 جىلعى 2 ماۋسىمداعى قاۋلىمەن دەپۋتاتتىق توپتى تىركەدى. توپ قۇرامىنا سەنات پەن ءماجىلىس دەپۋتاتتارى كىردى.
دەپۋتاتتىق توپتىڭ نەگىزگى ماقساتى – ەلدەگى قوعامدىق كەلىسىم مەن جالپىۇلتتىق بىرلىك سالاسىنداعى مەملەكەتتىك ساياساتتى زاڭنامالىق قامتاماسىز ەتۋدى ۇيلەستىرۋ, سونداي-اق پارلامەنتتىڭ ازاماتتىق قوعام ينستيتۋتتارىمەن, قازاقستان حالقى اسسامبلەياسىمەن ەتنوسارالىق قاتىناستاردى وڭتايلاندىرۋ سالاسىنداعى ءتيىمدى ءوزارا ءىس-قيمىل جاساۋ.
بيىل 2 جانە 12 ماۋسىمدا وتكەن وتىرىستاردا دەپۋتاتتىق توپتىڭ قۇرامى سايلانىپ, ەرەجەسى مەن جۇمىس جوسپارى بەكىتىلدى, سونداي-اق قازاقستان حالقى اسسامبلەياسى حاتشىلىعى, ەتنومادەني بىرلەستىكتەر مەن اسسامبلەيانىڭ قوعامدىق قۇرىلىمدارى باسشىلارىمەن كەزدەسۋ وتكىزىلدى. بۇگىنگى تاڭدا دەپۋتاتتىق توپ قىزمەتىن جوسپارعا سايكەس جالعاستىرىپ كەلەدى. الداعى اتقارىلاتىن ىستەردى جۇيەلەپ, جۇمىس جوسپارىن جاسادىق.
قازىرگى الەم ەتنومادەنيەتتەردىڭ ءوزارا ارەكەتتەستىگى مەن ءوزارا ىقپالداستىعى ايرىقشا مانگە يە. جاھاندانۋ جاعدايىندا ەتنوستاردىڭ دامۋى ۇنەمى نازار اۋدارۋدى قاجەت ەتەدى. الەمنىڭ 47 مەملەكەتىنە تارالاتىن «دوستىق-درۋجبا» جۋرنالى, 4 تەلەارنا, 5 تەلەباعدارلاما, 8 راديوباعدارلاما, 9 رەسپۋبليكالىق باسىلىم, 100-دەن اسا ەلەكتروندى اقپارات قۇرالى دوستىق پەن بىرلىكتىڭ ناسيحاتشىسى بولۋعا ءتيىس. اسسامبلەيا جانىنان قۇرىلعان ەتنوسارالىق قاتىناستار ماسەلەلەرى جونىندەگى كەڭەستىڭ جۇمىسىن جانداندىرۋ دا ماڭىزدى.
بۇگىنگى تاڭدا قازاقستاندا ەتنوسارالىق بىرەگەيلىكتى ساقتاي وتىرىپ, بارلىق ەتنوستىڭ تەڭ مادەني دامۋى مەن ءوزىن-ءوزى جۇزەگە اسىرۋىن قامتاماسىز ەتەتىن قاعيداتتار نەگىزىندە ەتنوسارالىق جانە مادەنيەتارالىق ءوزارا ءىس-قيمىلدى جۇزەگە اسىرۋ وتە ماڭىزدى. وسى ورايدا ەتنوسارالىق تۇراقتىلىقتى ساقتاۋ مەملەكەتتىك ساياساتتىڭ نەگىزى ەكەنى انىق. ۇلتارالىق كەلىسىمدى ساقتاۋ, ەلىمىزدە تۇراتىن ەتنوس وكىلدەرىن ءوزارا قۇرمەتتەۋ ءۇردىسى جالعاسا بەرۋگە ءتيىس.
ەلدەگى ۇلتتىق قاتىناستاردى ودان ءارى ۇيلەستىرۋ, قوعامدىق كەلىسىم مەن جالپىۇلتتىق بىرلىك سالاسىنداعى مەملەكەتتىك ساياساتتى قامتاماسىز ەتۋ جونىندەگى شارالاردىڭ ءتيىمدى جۇيەسىن ازىرلەۋ جانە ىسكە اسىرۋعا اسا مۇقيات قاراعان ابزال.
بۇل مىندەتتى شەشۋدە قازاق ءتىلىنىڭ مەملەكەتتىك ءتىل رەتىندەگى مارتەبەسىن كەڭىنەن ورنىقتىرۋ قاجەت-اق. مەملەكەت باسشىسىنىڭ «قازاق ءتىلىنىڭ مەملەكەتتىك ءتىل دارەجەسىندەگى دەڭگەيى كوتەرىلىپ كەلەدى. قازاق ءتىلىنىڭ ۇلتارالىق قاتىناس تىلىنە اينالاتىن ۋاقىت كەلدى. بۇل ءۇشىن بارلىعىمىز جۇمىلا ارەكەت ەتۋىمىز قاجەت», دەگەن ءسوزىن نەگىزگە الىپ, جۇمىلا جۇمىس ىستەۋىمىز كەرەك.
نۇرتورە ءجۇسىپ,
سەنات دەپۋتاتى, پارلامەنتتىڭ ء«بىر ەل – ءبىر مۇددە» توبىنىڭ جەتەكشىسى
