2021 جىلى بالالارعا ۇلتتىق فولكلوردى دارىپتەيتىن «Qonzhyq» ءموبيلدى قوسىمشاسى ىسكە قوسىلدى. جاس ۇرپاقتىڭ ۇلتتىق مۋزىكاعا, əدەبيەتكە, مəدەنيەتكە, سالت-دəستۇرگە جəنە انا ءتىلىن ۇيرەنۋگە دەگەن قىزىعۋشىلىعىن وياتۋعا باعىتتالعان قوسىمشادا 150 مىڭنان اسا قولدانۋشى بار. بۇعان حالىق فولكلورىنىڭ كلاسسيكالىق جəنە زاماناۋي التىن قورىن ەنگىزگەن. وندا 1 200-دەن استام ەرتەگى, زاماناۋي جəنە حالىق əندەرى, ءتۇرلى اسپاپتاعى كۇيلەر, بەسىك جىرلارى, كلاسسيكالىق جəنە زاماناۋي اقىنداردىڭ پوەزياسى, سونىمەن قاتار ابايدىڭ قارا سوزدەرىنىڭ جەڭىلدەتىلگەن نۇسقاسى دا قوسا جۇكتەلگەن. ويىن فورماتىنداعى وقۋ ءبولىمى دە بار.
– نەگىزى باستاماسى بالالاردى دامىتاتىن «قونجىق ماريو» اتتى ەرتەگىدەن كەلدى. ءوزىم انا بولعاندىقتان انا تىلىندە كونتەنت شىعارۋدى ويلاستىرعانمىن, بىراق ۋاقىت وتە كەلە قازىر كىتاپتار ۇلكەن سۇرانىسقا يە بولمايتىنىن ءتۇسىندىم. سول سەبەپتى جاڭا زامانعا ساي, بارلىعىنىڭ ۇيالى تەلەفونىندا بولاتىن ءموبيلدى قوسىمشا رەتىندە شىعارۋدى ءجون كوردىك. ەرەكشەلىگى – پايدالانۋشىعا ىڭعايلى ءارى قولجەتىمدى. اتا-انا «Google» مەن «YouTube-ءتى» شارلاپ, قاجەت دۇنيەنى ىزدەپ وتىرمايدى. بۇكىل الەم تسيفرلىق فورماتقا كوشۋدە, ءبىز دە سوعان ىلەستىك, – دەيدى ايگەرىم.
كوماندانىڭ نەگىزگى ءبولىمى ءونىم مەنەدجەرى, ەكى ازىرلەۋشى جانە ماركەتولوگتەن تۇرادى. اۋتسورسيم «UX/UI» قىزمەتتەرى, مەنەدجەر ترافيگى, گرافيكالىق ديزاينەرلەر, مازمۇن مەنەدجەرلەرى دە بار.
– قوسىمشامىزدا كوپشىلىكتىڭ قۇلاعىندا جاتتالعان ەرتەگىلەر مەن كۇيلەر دە, كونە, كوبى ەستي بەرمەگەن تۋىندىلار دا بار. 250-گە جۋىق ەرتەگى, 1 700 ءان-كۇي جانە ءتۇرلى بەسىك جىرىن قوسۋ – ۇلكەن ەڭبەكتى تالاپ ەتتى. ەڭ ءجيى تىڭدايتىندارىنا كەلسەك, الدار كوسە مەن قوجاناسىر تۋرالى ەرتەگىلەر, «اداي», «اقساق قۇلان», «كوڭىل تولقىنى» كۇيلەرى. كەيىنگى ۇرپاققا كوپ پايدا الىپ كەلەر مۇرا بولۋى ءۇشىن ءتۇرلى ۇلتتىق كونتەنتپەن تولىقتىرۋ ويدا بار. مىسالى, سالت-ءداستۇر, ءجون-جورالعىلار, ۇمىتىلىپ بارا جاتقان كادەلەرىمىز تۋرالى ايتقىمىز كەلەدى. ماقال-ماتەلدەر, جۇمباقتار – وسىنىڭ بارلىعى قوسىمشامىزدا بولۋى ءۇشىن جۇمىس ىستەپ جاتىرمىز, – دەدى جوبا اۆتورى.
