سونىڭ ىشىندە ورتاق تاريحي قۇندىلىقتارى, مادەني مۇراسى بار باۋىرلاس حالىقتارىمىزدىڭ ىنتىماقتاستىعى بيىك بەلەستەردى باعىندىرا ءبىلدى. سەبەبى بىزدەر اتا-بابالارىمىزدىڭ رۋحىن اسقاقتاتىن ستراتەگيالىق باعىتتى ۇستانامىز جانە ءارى قاراي دا بولاشاق ۇرپاققا وسى جولدى امانات ەتەمىز. پرەزيدەنتتەر يلحام اليەۆ پەن قاسىم-جومارت توقاەۆتىڭ بەرىك دوستىق, شىنايى باۋىرلاستىق قارىم-قاتىناسى ءبىزدىڭ حالىقتارىمىزدى دا جاقىنداستىرىپ, تاتۋ كورشىلىك بايلانىستاردى ارتتىرىپ وتىر. باۋىرلاس ەلدەرىمىز ەكىجاقتى نەمەسە حالىقارالىق ارەنادا ءبىر-بىرىنە جوعارى قولداۋ كورسەتىپ كەلەدى.
مەملەكەتتەر باسشىلارىنىڭ ەكىجاقتى ساپارلارى قوس ەلدىڭ ساياسي, ەكونوميكالىق, كوممەرتسيالىق جانە باسقا دا پراكتيكالىق قىزمەت سالالارىنداعى بايلانىستارىنا لەپتى ۇلەس قوسادى. قازاقستانمەن كوپتەگەن سالاداعى ىنتىماقتاستىعىمىز ەكى ەلدىڭ تۇجىرىمدارىنا سايكەس جالعاسىن تاۋىپ جاتىر. ترانسكاسپي باعىتىن ىسكە قوسۋ ءبىزدىڭ ەلدەرىمىزدىڭ ترانزيتتىك بايلانىستارىن ارتتىرىپ قانا قويماي, بىزبەن ەكونوميكالىق-كوممەرتسيالىق ىنتىماقتاستىقتى جولعا قويعان باسقا ەلدەر تاراپىنان ەلەۋلى قىزىعۋشىلىق تۋدىرادى. ايتا كەتۋ كەرەك, ازەربايجان مەن قازاقستان بۇگىندە كوپتەگەن باعىتتار بويىنشا ترانزيتتىك جۇك تاسىمالداۋدى جۇزەگە اسىرىپ جاتىر. بۇل ەكونوميكالىق-ساۋدا ماسەلەسى عانا ەمەس, ازەربايجان مەن قازاقستاننىڭ كوپتەگەن سالالارداعى ستراتەگيالىق ماڭىزىن الەمگە تانىتادى.
قازاقستان باسشىسىنىڭ ەلىمىزگە ساپارى بارىسىندا قول قويىلعان قۇجاتتار بىرقاتار سالالارداعى ىنتىماقتاستىعىمىزدىڭ دامۋىنا ەرەكشە ىقپال ەتەدى.
فيزۋلي قالاسىندا قازاقستان پرەزيدەنتى قاسىم-جومارت توقاەۆتىڭ باستاماسىمەن قۇرمانعازى اتىنداعى بالالار شىعارماشىلىعى ورتالىعى سالىنىپ, پايدالانۋعا بەرىلگەنى – مەملەكەتتەرىمىز بەن حالىقتارىمىز اراسىنداعى دوستىقتىڭ, باۋىرلاستىقتىڭ تاعى ءبىر جارقىن كورىنىسى.
ءادىل اليەۆ,
ازەربايجان رەسپۋبليكاسى ۇلتتىق ءماجىلىسىنىڭ ۆيتسە-سپيكەرى
