بۇعان دەيىن باق-تا «Air Astana» اۋە كومپانياسىنىڭ ۇشقىشى الماتى حالىقارالىق اۋەجايىنىڭ ىشكى رەيستەردى جونەلتۋ ايماعىندا ۇستالعانى تۋرالى اقپارات پايدا بولعان ەدى. تەرگەۋشىلەردىڭ مالىمەتىنشە, 31 جاستاعى ەر ادام ەسىرتكىنى پايدالانىپ, ساقتاعان.
«Air Astana» اۋە كومپانياسىنىڭ ءباسپاسوز قىزمەتى اتالعان اقپاراتتى راستادى. 23 ساۋىردە كومپانيا ۇشقىشى جولاۋشى رەتىندە ۇشىپ بارا جاتقاندا ەسىرتكىگە ماس كۇيىندە ۇستالعان. پوليتسەيلەر سوتقا دەيىنگى تەرگەۋ امالدارىن جۇرگىزىپ جاتىر, ال ۇشقىش جۇمىستان شەتتەتىلدى.
«اۋەكومپانيا قىزمەتكەرلەردىڭ الكوگولدى نەمەسە ەسىرتكىنى پايدالانۋىنا نولدىك توزىمدىلىكتى كورسەتەدى. اۋەكومپانيا ەكيپاج قىزمەتكەرلەرىنىڭ قانىندا الكوگول نەمەسە ەسىرتكى زاتتارىنىڭ بولۋىنا تۇراقتى نەگىزدە تەكسەرىس جۇرگىزەدى», دەپ حابارلادى كومپانيانىڭ ءباسپاسوز قىزمەتى.
