2023 جىلعى 8 ناۋرىزدان 9-نا قاراعان ءتۇنى ازامات كەنجەعۇلوۆ قالانىڭ تۇنگى كلۋبتارىنىڭ بىرىندە دەمالىپ, سول ۋاقىتتا ءوزىنىڭ قۇربىلارىمەن دەمالىپ جۇرگەن تانىسى و.-مەن كەزدەسكەن. بۇدان كەيىن ك. ونى ۇيىنە شىعارىپ سالامىن دەگەن سىلتاۋمەن ءوز پاتەرىنە اكەلدى. ءارى قاراي, جابىرلەنۋشىنىڭ دارمەنسىز كۇيىن (الكوگولدىك ماس بولۋ) پايدالانىپ, زورلىق-زومبىلىق كورسەتىپ, جابىرلەنۋشىنىڭ ەركىنەن تىس جىنىستىق قاتىناس جاساعان. وسىلايشا, سوتتالۋشى زورلاۋ ءىسىن جۇزەگە اسىرعان.
سوتتالۋشى ك. كىناسىن مويىندامادى جانە سوتتان ونى اقتاۋدى نەمەسە باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى.
پروكۋرور سوتتالۋشىنى كىنالى دەپ تانۋدى جانە 5 جىل 4 ايعا باس بوستاندىعىنان ايىرۋ جازاسىن تاعايىنداۋدى سۇرادى.
سوتتالۋشىنىڭ كىناسى ءىس بويىنشا جينالعان ساراپتامالاردىڭ قورىتىندىلارى, جابىرلەنۋشى مەن كۋاگەرلەردىڭ ايعاقتارى ارقىلى دالەلدەندى. سوت ۇكىمىمەن ك. قك-ءنىڭ 120-بابى 1-بولىگى بويىنشا كىنالى دەپ تانىلدى جانە وعان 5 جىلعا باس بوستاندىعىنان ايىرۋ تۇرىندەگى جازا تاعايىندالدى, سوتتالۋشى جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەيدى.
ۇكىم زاڭدى كۇشىنە ەنگەن جوق.
