فوتو: azh.kz
«دياپازون» باسىلىمىنىڭ جازۋىنشا, اتىراۋ-اقتوبە پويىزىنىڭ ەكى جولاۋشىسى «جولاۋشىلار تاسىمالى» اق-نى («قازاقستان تەمىر جولى تۇك» اق ەنشىلەس كومپانياسى) سوتقا بەرگەن. ولار اتالعان پويىز تازالىعىنا شاعىمدانىپ, پوليتسياعا ارىزدانعان.
كولىك پوليتسياسىنىڭ قىزمەتكەرلەرى ماقات ستانتسياسىنا بارىپ, ءوتىنىشتى قابىلداعان.
وعان قوسا ورىندارىن نەمەسە ۆاگوندارىن اۋىستىرۋدى سۇراعان ەكى جولاۋشىنىڭ ءوتىنىشى جولسەرىكتەردەن قولداۋ تاپپاعان. ارىزدانۋشىلار بۇل جاعدايدى دا ەسكەرىپ, «جولاۋشىلار تاسىمالى» اق-دان مورالدىق زيان ءۇشىن 500 مىڭ تەڭگە تالاپ ەتكەن.
تەمىرجول كومپانياسىنىڭ وكىلى قوس جولاۋشىنىڭ بۇل تالابى مەن شاعىمىنا كۇمان كەلتىرىپ, ۆاگون تازا بولعانىن العا تارتتى.
الايدا سوت وتىرىسىندا شاعىمدانۋشىلار ۆاگون لاس بولعانىن دالەلدەگەن. سوت ەكى جولاۋشىنىڭ تالابى ورىندى دەگەن ۇيعارىمعا كەلىپ, جاۋاپكەر ەكى تالاپكەرگە مورالدىق شىعىن كەلتىرگەنى ءۇشىن 50 مىڭ تەڭگەدەن تولەۋگە مىندەتتەلدى.
